كەشە "ۇلتتىق قور - قازاقستان بالالارىنا. يننوۆاسيالىق ساياسات جانە جاھاندىق ىقپال ەتۋ الەۋەتى" بىرلەسكەن كونفەرەنسيا ءوتتى.
بۇل تۋرالى بالالار ومبۋدسمەنى دينارا زاكييەۆا ايتتى.
"كونفەرەنسيا شەڭبەرىندە قازاقستانعا Washington University in St. Louis USA جانە Maqsut Narikbayev University ۋنيۆەرسيتەتتەرىنىڭ "ۇلتتىق قور - بالالارعا" باعدارلاماسىنىڭ تاجىريبەسىن زەردەلەۋگە كەلگەن Washington University in St. Louis وكىلدەرىمەن كەزدەستىم. سيمپوزيۋم "ۇلتتىق قور - بالالارعا" باعدارلاماسىنا قىزىعۋشىلىق تانىتقان امەريكاندىق ۋنيۆەرسيتەتتەگى ارىپتەستەردىڭ باستاماسىمەن وتكىزىلگەنىن ايتا كەتكەن ءجون. ۆاشينگتون ۋنيۆەرسيتەتىنىڭ الەۋمەتتىك دامۋ ورتالىعىنىڭ (CSD) حالىقارالىق ديرەكتورى لي زوۋ قازاقستاننىڭ تاجىريبەسىن جوعارى باعالادى جانە مىنانى ەرەكشە اتاپ ءوتتى: "ۇلتتىق قور - بالالارعا" باعدارلاماسى بۇكىل الەم ءۇشىن ۇلگى بولارلىق ريەۆوليۋسيالىق باستاما ەكەنىن ايتقىم كەلەدى.بۇل جوبا سىزدەردىڭ پرەزيدەنتىڭىزدىڭ ستراتەگيالىق كوزقاراسىنىڭ ەڭبەگى جانە قالالاردا نەمەسە اۋىلداردا تۇراتىنىنا قاراماستان، ەلدەگى بارلىق بالاعا ينۆەستيسيا سالۋعا دەگەن ۇمتىلىسى ەكەنىن ەرەكشە اتاپ ءوتۋ قاجەت. قازاقستاننىڭ جەتى ميلليون بالاسىنىڭ ءبارى - وسى فانتاستيكالىق كورەگەن جوبانىڭ بەنەفيسيارلارى بولىپ تابىلادى"، - دەدى ول.
لي زوۋدىڭ ايتۋىنشا، باعدارلامانىڭ قازاقستان ءۇشىن دە، ءوڭىر ءۇشىن دە جانە بۇكىل الەم ءۇشىن دە ماڭىزى زور.
ول سونداي-اق سيمپوزيۋم قازاقستان ستۋدەنتتەرى مەن ازاماتتارىن، سونداي-اق حالىقارالىق قوعامداستىقتى وقىتۋ مەن تاجىريبە الماسۋ ءۇشىن تاماشا الاڭعا اينالعانىن ايتتى.
ءىس-شاراعا سينگاپۋر، اقش، جۇڭگو، موڭعوليا، كورەيا جانە ءازىربايجان ۋنيۆەرسيتەتتەرىنىڭ اتىنان وننان استام ساراپشى دەلەگاسيا قاتىستى.