بۇل تۋرالى «اشىق» نقا پورتالىندا جاريالانعان پرەزيدەنت جارلىعىنىڭ جوباسىندا جازىلعان، دەپ حابارلايدى Almaty-akshamy.kz
ەندى ۆەدومستۆوعا مىنا فۋنكسيالار بەرىلەدى:
- ۇلتتىق قاۋىپسىزدىك ورگانداردىڭ داعدارىستى جاعدايلار، الەۋمەتتىك سيپاتتاعى توتەنشە احۋال، توتەنشە، اسكەري جاعدايلار تۋىنداعان كەزدە جانە سوعىس ۋاقىتىندا ءىس-قيمىل جاساۋعا دايىندىعىن قامتاماسىز ەتۋ؛
- ەڭبەك قارىم-قاتىناستارىن رەتتەۋ سالاسىندا ەڭبەك جونىندەگى ۋاكىلەتتى مەملەكەتتىك ورگاننىڭ كەلىسىمى بويىنشا ۇلتتىق قاۋىپسىزدىك ورگاندارعا تەحنيكالىق قىزمەت كورسەتۋدى جانە ولاردىڭ جۇمىس ىستەۋىن قامتاماسىز ەتەتىن جۇمىسكەرلەر سانىنىڭ نورماتيۆتەرىن ازىرلەۋ جانە بەكىتۋ؛
- ۇلتتىق قاۋىپسىزدىك كوميتەتى اسكەري پوليسياسى ورگاندارىنىڭ قۇقىق بۇزۋشىلىقتى پروفيلاكتيكالاۋ شارالارىن جۇزەگە اسىرۋ قاعيدالارىن ازىرلەۋ جانە بەكىتۋ؛
- جەرگىلىكتى اتقارۋشى ورگاندارمەن ازىرلەنەتىن وبلىس اۋماعىندا، استانا جانە رەسپۋبليكالىق ماڭىزى بار قالالاردا ورنالاسقان تەرروريستىك تۇرعىدان وسال وبەكتىلەردىڭ تىزبەسىن كەلىسۋ؛
- دايىندالىپ جاتقان تەرروريزم اكتىسى تۋرالى حابارلاما ءۇشىن سىياقى تولەۋ ەرەجەلەرىن ازىرلەۋ جانە بەكىتۋ؛
- قازاقستان رەسپۋبليكاسى ارناۋلى مەملەكەتتىك ورگان قىزمەتكەرىنىڭ ءوتباسىلىق-مۇلiكتىك جاعدايىن تەكسەرۋ اكتىسىنىڭ ۇلگى نىسانىن ازىرلەۋ جانە بەكىتۋ؛
- ۇلتتىق قاۋىپسىزدىك ورگاندارىن كولىك قۇرالدارىنىڭ جانە ارنايى ماقساتتاعى كولىك قۇرالدارىنىڭ كولوننالارىنا ىلەسىپ ءجۇرۋدى ۇيىمداستىرۋ جانە قامتاماسىز ەتۋ، اۆتوموبيل جولدارى مەن كوشەلەردە وسى كولوننالار وتەتىن ۋاقىتتا جول ءجۇرىسىن رەتتەۋ قاعيدالارىن ازىرلەۋ جانە بەكىتۋ؛
- ۇلتتىق قاۋىپسىزدىك ورگاندارىندا جاۋىنگەرلىك كەزەكشىلىكتى اتقارۋدى ۇيىمداستىرۋ قاعيدالارىن ازىرلەۋ جانە بەكىتۋ.
جارلىق جوباسى ەرەجەگە قازاقستان رەسپۋبليكاسىنىڭ زاڭناماسىنا سايكەس رەداكسيالىق وزگەرىستەردى ەنگىزۋدى قاراستىرادى. ونى ىسكە اسىرۋ ءۇشىن رەسپۋبليكالىق بيۋدجەتتەن قوسىمشا قاراجات تالاپ ەتىلمەيدى جانە ول تەرىس الەۋمەتتىك جانە ەكونوميكالىق سالدارعا اكەپ سوقتىرمايدى، - دەپ تۇسىندىرمە بەرىلگەن پرەزيدەن جارلىعىنا.
قۇجات 20 ساۋىرگە دەيىن كوپشىلىك تالقىلاۋىندا بولادى. كەيىن قول قويۋ ءۇشىن مەملەكەت باسشىسىنا جولدانادى.