ول الەم چەمپيونى اتاعىنا قول جەتكىزگەن تۇڭعىش قازاق، دەپ حابارلايدى اlmaty-akshamy.kz مادەنيەت جانە سپورت مينيسترلىگىنە سىلتەمە جاساپ.
1871 جىلى 7 ساۋىردە اقمولا وبلىسىنىڭ قاراوتكەل اۋىلىندا دۇنيەگە كەلگەن پالۋان بابامىز الەمنىڭ 54 مەملەكەتىندە ونەر كورسەتىپ، 48 مەدال جەڭىپ العان.
قيىندىقتار مەن كەدەرگىلەرگە قاراماستان دۇنيەجۇزىن مويىنداتىپ، الەمدىك سپورت تاريحىندا وشپەس ءىز قالدىرعان قاجىمۇقان مۇڭايتپاس ۇلىنىڭ ونەگەلى ءومىرى جاستارعا ۇلگى. بۇگىندە بوزكىلەمدە بەلدەسىپ جۇرگەن سپورتشىلارىمىز داڭقتى بابامىزدىڭ جەڭىستى جولىن جالعاپ، ەلىمىزدىڭ نامىسىن ابىرويمەن قورعاپ ءجۇر، - دەپ جازدى مادەنيەت ءمينيسترى اسحات ورالوۆ Facebook-تەگى پاراقشاسىندا.
ايتا كەتەيىك، پالۋاننىڭ قۇرمەتىنە جىل سايىن ەلىمىزدە حالىقارالىق دەڭگەيدەگى جارىستار وتكىزىلىپ كەلەدى. باتىردىڭ ەسىمى بىرنەشە قالادا كوشەلەر مەن سپورت نىساندارىنا بەرىلگەن. ال، تۇركىستان وبلىسىندا قاجىمۇقان مۇڭايتپاس ۇلىنىڭ مۋزەيى بار.