دەنساۋلىق ساقتاۋ ءمينيسترى اجار عينيات مەديسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋ تەتىگىنە تۇسىنىك بەردى، دەپ حابارلايدى اlmaty-akshamy.kz قازاقپارات-قا سىلتەمە جاساپ.
ەلىمىزدە دارىگەردىڭ كاسىبي جاۋاپكەرشىلىگىنە قاتىستى مىندەتتى ساقتاندىرۋ جۇيەسى ەنگىزىلمەك.
ا. عينياتتىڭ ايتۋىنشا، مينيسترلىك مەديسينا قىزمەتكەرلەرىنىڭ كاسىبي جاۋاپكەرشىلىگىن ساقتاندىرۋدىڭ ءتۇرلى مودەلدەرىنە تالداۋ جۇرگىزدى.
«حالىقارالىق تاجىريبەدە مەديسينا قىزمەتكەرلەرىن قورعاۋ ءۇشىن ءتيىستى قورلار مەن قاۋىمداستىقتار (شۆەسيا، كانادا، دانيا) قۇرۋ، سونداي-اق جەكە نارىقتار (اقش، گەرمانيا، جاپونيا، تۇركيا) ارقىلى كاسىپتىك جاۋاپكەرشىلىكتى مىندەتتى ساقتاندىرۋ جۇيەسى قولدانىلادى. حالىقارالىق تاجىريبەگە سۇيەنە وتىرىپ، مەديسينا قىزمەتكەرلەرىنىڭ كاسىپتىك جاۋاپكەرشىلىگىن ساقتاندىرۋدىڭ وڭتايلى تەتىگى رەتىندە شۆەسيا، كانادا، اقش، جاپونيا جانە تۇركيا مودەلدەرى بويىنشا بەيىمدەلگەن نارىقتىق ساقتاندىرۋ مودەلىن قولدانۋدى ۇسىنىپ وتىرمىز»، - دەدى ا. عينيات ماجىلىستە جاڭادان سايلانعان دەپۋتاتتار الدىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىرۋ كەزىندە.
سونىمەن قاتار، ول 2017 جىلى مينيسترلىك مەملەكەت باسشىسىنىڭ تاپسىرماسى بويىنشا دەربەس كەپىلدىك بەرۋ قورىن قۇرۋ اياسىندا ىنتىماقتاستىق قاعيداتى بويىنشا ساقتاندىرۋدىڭ الەۋمەتتىك مودەلىن ۇسىنعانىن ەسكە سالدى (جارنا مولشەرىن مەديسينالىق ۇيىمعا – 50%، مەديسينا قىزمەتكەرىنە – 50% دەپ ءبولۋ). الايدا، زاڭ جوباسى قولداۋ تاپپاي، قابىلدانبادى.
«حالىقارالىق تاجىريبەنى تالداۋدىڭ نەگىزىندە، سونداي-اق جۇرتشىلىقتىڭ، مەملەكەتتىك ورگانداردىڭ جانە ساقتاندىرۋ كومپانيالارىنىڭ قاتىسۋىمەن ءتيىستى تالقىلاۋلار بولدى. بۇل تۇرعىدا جۇمىس ىستەپ تۇرعان ساقتاندىرۋ كومپانيالارى ارقىلى مەديسينا قىزمەتكەرلەرى كاسىپتىك جاۋاپكەرشىلىگىنىڭ جۇكتەلگەن ساقتاندىرۋ مودەلى قابىلداندى. جۇمىس بەرۋشى – مەديسينالىق ۇيىم ساقتانۋشى بولادى. بولاشاقتا مەديسينا قىزمەتكەرلەرىن ليسەنزيالاۋدى ەنگىزگەننەن كەيىن، مەديسينا قىزمەتكەرلەرىنىڭ كاسىپتىك جاۋاپكەرشىلىگىن ساقتاندىرۋ جۇيەسىنە قاتىسۋشىلاردىڭ جاۋاپكەرشىلىگىن بولۋگە مۇمكىندىك بەرەدى»، - دەدى مينيستر.
ا. عينياتتىڭ سوزىنە قاراعاندا، وسى مودەلگە سايكەس شاعىمدى قاراعان كەزدە مەديسينالىق ۇيىم مەدياسيا ەلەمەنتتەرىن قولدانىپ، سونداي-اق مەديسينالىق قاۋىمداستىقتاردى تارتا وتىرىپ، ىشكى اۋديت قىزمەتىنىڭ دەڭگەيىندە جۇزەگە اسىرادى. بۇل كەزەڭدە ماسەلە مەديسينالىق ۇيىمنىڭ وزىندە رەتتەلۋى مۇمكىن. ءتيىستى كوميسسيا ناۋقاستىڭ دەنساۋلىعىنا زيان كەلتىرىلدى دەگەن شەشىم جاساسا، وسى ورايدا پاسيەنتكە تولەم جاساۋ ءۇشىن ساقتاندىرۋ كومپانياسىنا جولداما بەرىلەدى.
«ەگەر پاسيەنت كوميسسيانىڭ شەشىمىمەن كەلىسپەگەن جاعدايدا، شاعىم ساراپتامالىق قورىتىندى بەرۋ ءۇشىن مەديسينالىق جانە فارماسيەۆتيكالىق باقىلاۋ كوميتەتىنە تاپسىرىلادى. وڭ ناتيجە شىعارىلعان جاعدايدا، شاعىم بويىنشا ماتەريالدار، ونىڭ ىشىندە سوت-مەديسينالىق ساراپتامانىڭ قورىتىندىسى مەديسينالىق ۇيىم ساقتاندىرىلعان ساقتاندىرۋ كومپانياسىنا بەرىلەدى. ول جەردە پاسيەنتكە كەلتىرىلگەن زيان ءۇشىن وتەماقى تولەۋدى دەنساۋلىق ساقتاۋ مينيسترلىگى ايقىنداعان قاعيدالار بويىنشا ساقتاندىرۋ كومپانياسى جۇرگىزەدى. تولەمنەن باس تارتقان جانە شەشىمگە قاناعاتتانباعان جاعدايدا، پاسيەنت سوتقا جۇگىنۋگە قۇقىلى»، - دەدى ا. عينيات.
زاڭ قابىلدانعاننان باستاپ ساقتاندىرۋدى جۇمىس بەرۋشىنىڭ ەسەبىنەن جۇزەگە اسىرۋ ۇسىنىلىپ وتىر.
«ال، 2025 جىلدان باستاپ ساقتاندىرۋ سىيلىقاقىسىنىڭ سوماسىن مەديسينالىق ۇيىم مەن مەديسينا قىزمەتكەرلەرىنىڭ اراسىندا ءبولۋ ۇسىنىلدى. بۇل ءوز كەزەگىندە ورتاق كاسىپتىك جاۋاپكەرشىلىككە اكەلەدى»، - دەدى مينيستر.
ونىڭ اتاپ وتۋىنشە، كاسىپتىك جاۋاپكەرشىلىكتى ساقتاندىرۋ جۇيەسىمەن 304 مىڭنان استام مەديسينا قىزمەتكەرىن قامتۋ ۇسىنىلدى.