قازاقستان ۇلتتىق وليمپيادا كوميتەتىنىڭ ءتوراعاسى تيمۋر قۇلىبايەۆ پەن تۋريزم جانە سپورت ءمينيسترى ەرمەك مارجىقپايەۆ حانچجوۋدا وتەتىن XIX ازيا ويىندارىنىڭ سالتاناتتى اشىلۋ ءراسىمى الدىندا وليمپيادا قالاشىعىنا باردى، دەپ حابارلايدى Almaty-akshamy.kz inbusiness.kz سىلتەمە جاساپ.
سپورتشىلارىمىزدى ورنالاستىرۋعا، تاماقتانۋعا، لوگيستيكاعا جانە باسقا دا ماڭىزدى ماسەلەلەرگە جاۋاپتى جەدەل شتابتىڭ جۇمىسىمەن تانىستى. شتاب قىزمەتكەرلەرى جۇمىس قالاي ءجۇرىپ جاتقانىن ايتىپ، ناتيجەلەرى تۋرالى ەسەپ بەردى.
ايتا كەتۋ كەرەك، قازاقستان قۇراماسىنا تاۋلىك بويى قولداۋ كورسەتىلەدى. شتاب قىزمەتكەرلەرىنىڭ سپورتشىلارمەن ءبىر عيماراتتا تۇرۋى كەز-كەلگەن پروبلەمانى وتە تەز شەشۋگە مۇمكىندىك بەرەدى.
ازيا ويىندارىنا ۇلتتىق قۇراما ساپىنان 524 سپورتشى (262 ەر جانە 262 ايەل) قاتىسقالى وتىر. ولار سپورتتىڭ 30 تۇرىنەن سىنعا تۇسەدى.
جالپى العاندا، ازيانىڭ 45 ەلىنەن كەلگەن 15 مىڭنان استام سپورتشى 40 سپورت تۇرىنەن 481 مەدال جيىنتىعىن ساراپقا سالادى.