الماتىدا اباي وبلىسى اۋىلشارۋاشىلىعى تاۋار وندىرۋشىلەرىنىڭ كەڭەيتىلگەن جارمەڭكەسى وتۋدە، - دەپ حابارلايدى Almaty Aqshamy.
جارمەڭكە وتكىزۋ ءداستۇرى سوناۋ پاتشا ۇكىمەتىنەن بەرى جالعاسۋدا. وندا تاۋار وندىرۋشىلەر ءوز ونىمدەرىن تۇتىنۋشىعا ساتىپ قانا قويماي ءوز جەكە برەندىن قالىپتاستىرادى. ول سونىمەن قاتار تەك ساۋدا عانا ەمەس، مادەني بايلانىس ءرولىن دە اتقارادى. ءبىزدىڭ تاريحىمىزدا اتاقتى قوياندى، قارقارالى سياقتى جارمەڭكەلەر بولعان.
بۇل ءداستۇر اسەم قالا الماتىدا جالعاسىن تاۋىپ وتىر. مۇنداي ءىس-شارالار ءجيى-جيى ۇيىمداستىرىلادى. ونى ۇيىمداستىرۋدا الماتى قالاسى اكىمدىگى مۇرىندىق بولىپ كەلەدى.
بۇل جولى اباي وبلىسىنىڭ كاسىپكەرلەرى وزدەرىنىڭ اۋىل شارۋاشىلىق ونىمدەرى قالالىقتارعا پاش ەتتى. وعان وبلىستىڭ 6 اۋدانىنىڭ، سونىمەن قاتار، سەمەي قالاسىنىڭ فەرمەرلەرى قاتىسىپ جاتىر. جارمەڭكەدە 40-تان استام ءونىم – ەت-سۇت، جەمىس-كوكونىس، شۇجىق ونىمدەرى، وسىمدىك جانە جانۋار مايلارى جانە ت.ب. ۇسىنىلادى.
بۇگىن تاڭعى ساعات 08:00-دەن كەشكى ساعات 17:00-گە دەيىن ەلىمىزدىڭ شىعىسىنىڭ فەرمەرلەرى ونىمدەرىمەن ەلدى قۋانتتى. ساتىپ الۋشىلار دا بارشىلىق. باسىم كوپشىلىگى ەگدە جاستاعى قالالىقتار. سوزدەرىنە قاراعاندا جاقىن جەردەگى پاتەرلەردە تۇرادى.
جارمەڭكە ەرتەڭ، ياعني 24 قىركۇيەكتە جالعاساتىنىن ەسكەرتە كەتكەن ءجون. وتەتىن ورنى سول باياعى شوقان ءۋاليحانوۆ اتىنداعى الاڭ. قالالىقتارعا ىڭعايلى بولۋ ءۇشىن شيەۆچەنكو كوشەسى بويىمەن، قونايەۆ كوشەسىنەن پۋشكين كوشەسىنە دەيىن جول جابىق.