«ناۋرىزناما» جوسپارى اياسىندا «قازاقتىڭ ۇلتتىق ويىندارى» كۇنىنە وراي الماتى قالاسى الاتاۋ اۋدانى №152 مەكتەپ-گيمنازياسىندا وقۋشىلار اراسىندا جارىس وتكىزىلدى.
جالپى سپورتتىق شاراعا 400-گە جۋىق وقۋشى قاتىستى. بالالار بىرنەشە ۇلتتىق سپورت تۇرلەرىنەن ب ا ق سىنادى. سونىڭ ىشىندە، قازاقشا كۇرەس، ارقان تارتىس، توعىزقۇمالاق، بەس اسىق، بۇقا تارتىس، تەڭگە الۋ ويىندارىنان بايگەگە ءتۇستى، دەپ حابارلايدى اlmaty-akshamy.kz.
بۇل سپورت تۇرلەرىنىڭ ءارقايسىسىنىڭ وزىندىك ەرەكشەلىگى مەن پايداسى بار. ءبىرى شىدامدىلىق، زەرەكتىك پەن بىلىمدىلىكتى شىڭداسا، ەندى ءبىرى كۇش-جىگەر، قايراتتىلىق پەن جىلدامدىققا ۇيرەتەدى.
سپورتتىق ءىس-شارانى الاتاۋ اۋدانىنىڭ اكىمدىگى، ءبىلىم ءبولىمى جانە №152 مەكتەپ-گيمنازياسىنىڭ اكىمشىلىگى ۇيىمداستىردى. شاراعا الاتاۋ اۋدانى مادەنيەت جانە تىلدەر دامىتۋ ءبولىمىنىڭ باس ينسپەكتورى المات سايلىبايەۆ قاتىسىپ، جۇرتشىلىقتى جىل باستاۋى – ءاز-ناۋرىز مەرەكەسىمەن قۇتتىقتادى.
– ناۋرىزنامانىڭ 10 كۇندىك جوسپارىنا سايكەس، الاتاۋ اۋدانىندا «قازاقتىڭ ۇلتتىق ويىندارى» كۇنىنە وراي بىرنەشە شارالار ۇيىمداستىرىلىپ وتىر. جالپى باستى ماقساتىمىز – جاستاردىڭ اراسىندا ۇلتتىق سپورت تۇرلەرىن ناسيحاتتاۋ. جويىلىپ بارا جاتقان ويىنداردى قايتا جاڭعىرتىپ، كەڭىنەن تاراتۋ بولىپ وتىر. بۇگىنگى شاراعا 400 جۋىق ءبۇلدىرشىنىمىز قاتىستى. جەڭىمپازدار ارنايى ماداقتاما قاعازدارمەن، مەدالدارمەن ماراپاتتالدى، – دەدى ا.سايلىبايەۆ.
