ىشكى ىستەر ءمينيسترى «ادام ساۋداسىنا قارسى ءىس-قيمىل تۋرالى» زاڭ جوباسىن تانىستىردى

ىشكى ىستەر ءمينيسترى ەرجان سادەنوۆ ءماجىلىستىڭ جالپى وتىرىسىندا زاڭ جوباسىن تانىستىردى. 

زاڭ جوباسى 6 تاراۋدان جانە 22 باپتان تۇرادى. سونىمەن قاتار وندا “ادام ساۋداسىنىڭ قۇربانى”، “ادام ساۋداسىنىڭ ىقتيمال قۇربانى”، “وسال جاعداي”، “ادام ساۋداسىنا قارسى ءىس-قيمىل سۋبەكتىلەرى” مەن باسقا جاڭا ۇعىمدار قاراستىرىلعان، دەپ حابارلايدى Almaty-akshamy.kz Polisia.kz-كە سىلتەمە جاساپ. 

– جوبا ۇلتتىق زاڭنامانى حالىقارالىق ستاندارتتارعا سايكەستەندىرۋگە باعىتتالعان، – دەپ اتاپ ءوتتى پوليسيا ۆەدومستۆوسىنىڭ باسشىسى ءوز بايانداماسىندا.

زاڭ جوباسىندا 4 نەگىزگى باعىت بار. ولار: سەرىكتەستىك پروفيلاكتيكا قۋدالاۋ كومەك كورسەتۋ جوبادا ادام ساۋداسى قۇرباندارىنىڭ بارلىق قۇقىقتارى جانە ولارمەن جۇمىس ىستەۋ الگوريتمى كوزدەلگەن.

زاڭ جوباسىنىڭ تاعى ءبىر ەرەكشەلىگى – “تاۋەكەل توپتارمەن” جۇمىس، ياعني ىقتيمال قۇرباندارعا كومەك كورسەتۋ. كامەلەتكە تولماعانداردىڭ قۇقىقتارىن قورعاۋ ماسەلەسىنە جەكە تاراۋ ارنالعان.

ءمينيستردىڭ ايتۋىنشا، بۇدان باسقا دا تولىقتىرۋلار مەن وزگەرىستەر ۇسىنىلۋدا:

قىلمىستىق كودەكسكە: –   

“ادام ساۋداسىمەن بايلانىستى قىلمىستار” ۇعىمى ەنگىزىلەدى؛

–   جاساۋ تاسىلدەرى بويىنشا “ادامدى قاناۋ” ۇعىمى كەڭەيتىلەدى؛

–   “پريتون ۇستاۋ جانە جەڭگەتايلىقتى” “ينتەرنەت جەلىسى ارقىلى” جاساۋ دەگەن جاڭا سارالاۋ بەلگىسى كوزدەلەدى.

قىلمىستىق-پروسەستىك كودەكستە جابىرلەنۋشىنىڭ الەۋمەتتىك ارناۋلى قىزمەتتەر الۋعا قۇقىعى كوزدەلدى. “نەكە جانە وتباسى تۋرالى” كودەكستە لاۋازىمدى ادامدارعا بالالار قالدىرىلعان جاعدايدا، ولار بۇل تۋرالى پروكۋراتۋراعا حابارلاۋ مىندەتى بەكىتىلدى. “جابىرلەنىشۋلەرگە وتەماقى قورى تۋرالى” زاڭعا قوسىمشا ءۇش قىلمىس ءتۇرى، ياعني قاناۋ ماقساتىندا ۇرلاۋ، باس بوستاندىعىنان زاڭسىز ايىرۋ جانە جەزوكشەلىكپەن اينالىسۋعا تارتۋ قىلمىستارى بويىنشا قۇرباندارعا وتەماقى تولەۋ مۇمكىندىگى ەنگىزىلدى. “اكىمشىلىك قۇقىق بۇزۋشىلىق تۋرالى” كودەكسكە بالالاردى وزدەرىنە قالدىرعانى تۋرالى حابارلاماعانى ءۇشىن  مەديسينالىق ۇيىمداردىڭ، پريۋتتەردىڭ، بالالار ءۇيىنىڭ قىزمەتكەرلەرىنە قاتىستى جاۋاپكەرشىلىك كوزدەلىپ جاتىر.