جىل سايىنعى وتاندىق تاۋار وندىرۋشىلەردىڭ «ULTTYQ ÓNIM» كورمەسى بيىل جەتىنشى رەت وتكىزىلمەك.
ول 2023 جىلدىڭ 5-7 مامىرى ارالىعىندا الماتى قالاسىنداعى «اتاكەنت» ىسكەرلىك ىنتىماقتاستىق ورتالىعىنىنىڭ 11 پاۆيلونىندا وتەدى. 2015 جىلدان بەرى كورمەنى «دامۋ» كاسىپكەرلىكتى دامىتۋ قورى» اق ۇيىمداستىرىپ كەلەدى، دەپ حابارلايدى Almaty-akshamy.kz.
ءىس-شارانىڭ اشىلۋى 05.05.2023 جىلى ساعات 10:00-گە جوسپارلانعان. رەسمي ءبولىمنىڭ سوڭىندا كاسىپكەرلەر مەن ب ا ق وكىلدەرى ءۇشىن باسپا ءسوز كونفەرەنسياسى وتەدى.
جىل سايىنعى «ULTTYQ ÓNIM» كورمەسىنىڭ اشىلۋ سالتاناتى ق ر پرەمەر-مينيسترىنىڭ ورىنباسارى – قارجى ءمينيسترى ەرۇلان جاماۋبايەۆتىڭ، الماتى قالاسىنىڭ اكىمى ەربولات دوسايەۆتىڭ، «بايتەرەك» ۇبح» اق باسقارما ءتوراعاسى قانات شارلاپايەۆتىڭ، «دامۋ» كاسىپكەرلىكتى دامىتۋ قورى» اق باسقارما ءتورايىمى گاۋحار بۋريبايەۆانىڭ، قازاقستان رەسپۋبليكاسى پارلامەنتى ءماجىلىسى دەپۋتاتتارىنىڭ، بانك ءتوراعالارى مەن كاسىپكەرلەردىڭ قاتىسۋىمەن وتەدى.
كورمەدە وڭتۇستىك استانا تۇرعىندارى مەن قوناقتارىنا ازىق-تۇلىك، قۇرىلىس، جيھاز جانە توقىما ونەركاسىبى، اۋىل شارۋاشىلىعى، مامانداندىرىلعان تەحنيكا مەن قۇرال-جابدىقتار، كادەسىيلار مەن پوليگرافيالىق ونىمدەردى كورسەتەتىن 320-عا جۋىق كومپانيا ءوز ونىمدەرىن ۇسىنادى. كورمەدە «حالىق تاڭداۋى» تاۋەلسىز ءدام تاتۋ بايقاۋى جانە جەتەكشى قازاقستاندىق وندىرۋشىلەر ۇسىنعان ايەلدەر مەن ەرلەر كيىمدەرى توپتامالارىنىڭ كورسەتىلىمى وتەدى. سونىمەن قاتار كورمە قاتىسۋشىلارىنىڭ بيلەتتەرى ارقىلى كۇندەلىكتى ۇتىس ويىندارى بولادى.