ساياساتتانۋشى اندرەي چەبوتاريەۆ ۇلتتىق قۇرىلتاي IV وتىرىسىنىڭ الدىندا ب ا ق وكىلدەرىنە ۇلتتىق قوعامدىق سەنىم كەڭەسىن ۇلتتىق قۇرىلتايعا اينالدىرۋ قوعامعا نە بەرگەنىن ايتتى.
بۇل تۋرالى aqshamnews.kz Kaz.inform.kz-كە سىلتەمە جاساي وتىتىپ حابارلايدى.
— مەن ۇلتتىق قوعامدىق سەنىم كەڭەسىنىڭ مۇشەسى بولعان كەزدە ءبىر عانا جۇمىس فورماتى بولدى. وندا ءبىز پارتيالىق جۇيە، سايلاۋ جۇيەسى، جەرگىلىكتى باسقارۋ سياقتى ناقتى رەفورمالار بويىنشا ناقتى ۇسىنىستار جازعان ەدىك. زاڭ جوبالارىن ازىرلەۋگە قاتىستىق. بۇل شىنىمەن قۇقىقتىق باعىتتاعى جۇمىس بولدى. مەملەكەت باسشىسى 2022 جىلى ۇلتتىق كەڭەس ءوز ميسسياسىن ورىنداعانىن ايتىپ، ۇلتتىق قۇرىلتاي دەيتىن جاڭا فورمات ەنگىزىلەتىنىن ايتتى. ەندى سونىڭ جۇمىسى مۇلدەم باسقا فورماتتا ەكەنىن كورىپ وتىرمىز، — دەيدى ول.
ساياساتتانۋشى ۇلتتىق كەڭەستىڭ قۇرامى ۇلتتىق قۇرىلتاي قۇرامىنان ەكى ەسە از بولعانىن ايتادى.
— بۇل فورماتتىڭ جاقسى تۇسى — ايماقتارداعى قوعامدىق كەڭەستەردىڭ وكىلدەرى قۇرىلتايعا تارتىلعان. ايماقتارداعى پروبلەمالار مەن ۇتىمدى باستامالاردى سولار ارقىلى ءبىلىپ وتىرۋعا مۇمكىندىك بار. ەڭ باستىسى، بۇل ۆەرتيكالدى ديالوگ ەمەس. پرەزيدەنت، قۇرىلتاي مۇشەلەرى، بيلىك پەن قوعام بولىپ ءبىر الاڭدا بەتپە-بەت وتىرىپ تىلدەسەمىز، — دەيدى ساياساتتانۋشى.
سونداي-اق، ول كەڭەيتىلگەن فورماتتاعى ديالوگقا ساياسي پارتيالار بەلسەندى قاتىسىپ جاتقانىن اتاپ ءوتتى.
— ۇلتتىق قۇرىلتاي مۇشەسى قوعامدىق كەلىسىمنىڭ بۇل فورماتى ازاماتتاردى بيلىككە جاقىن نەمەسە وپپوزيسيا وكىلى دەپ بولمەيتىنىن ايتادى. مۇندا تەك بيلىك قۇرىلىمدارىنىڭ وكىلدەرى عانا ەمەس، قازاقستاندىق وپپوزيسيانىڭ سىرالعى وكىلى، «دات» گازەتىنىڭ باسپاگەرى ەرمۇرات ءباپي دە بار. ءقازىر ول ماجىلىستە ءوز پىكىرىن اشىق ايتىپ ءجۇر. وزدەرىن وپپوزيسيالىق پارتيامىز دەپ ەسەپتەيتىن جسدپ-نىڭ وكىلدەرى دە بار. ياعني، پارتيالاردىڭ ءبارى ۇلتتىق قۇرىلتايدان تىس قالماعان، — دەيدى اندرەي چەبوتاريەۆ.