«اتامەكەن» ۇلتتىق كاسىپكەرلەر پالاتاسى پرەزيديۋمىنىڭ ءتوراعاسى تيمۋر قۇلىبايەۆ قىزمەتىنەن كەتتى، دەپ حابارلايدى اlmaty-akshamy.kz
بۇل جايىندا پالاتا سايتىندا جاريالانعان پرەزيديۋم ءتوراعاسىنىڭ ارنايى ۇندەۋىنەن بەلگىلى بولدى.
«قۇرمەتتى ارىپتەستەر! بۇگىننەن باستاپ مەن «اتامەكەن» ۇلتتىق كاسىپكەرلەر پالاتاسى ءتورالقاسىنىڭ سايلانعان ءتوراعاسى رەتىندەگى وكىلەتىمدى دوعارۋدى ۇيعاردىم. سەز دەلەگاتتارى مەن ءتورالقا مۇشەلەرىنە ماعان سەنىم بىلدىرگەنى ءۇشىن العىس ايتقىم كەلەدى. ۇلتتىق كاسىپكەرلەر پالاتاسىنىڭ جوعارى باقىلاۋ ورگانىن سەگىز جىل بويى باسقارۋ مەن ءۇشىن ۇلكەن قۇرمەت پەن جاۋاپكەرشىلىك بولدى»، - دەلىنگەن ۇندەۋدە.
سونداي-اق، ول وسى ۋاقىت ارالىعىندا بىرلەسىپ جۇمىس ىستەگەن ۇجىمعا، «اتامەكەن» ساپىندا ەڭبەك ەتىپ جۇرگەن قاتارداعى ساراپشىلارعا دا، اۋداندىق دەڭگەيدەگى فيليال باسشىلارىنا العىس بىلدىرگەن.
تيمۋر قۇلىبايەۆ «اتامەكەن» پالاتاسىنىڭ الداعى جۇمىسىندا پرەزيدەنت قاسىم-جومارت توقايەۆتىڭ 11 قاڭتاردا ءماجىلىستىڭ جالپى وتىرىسىندا نۇسقاعان باستامالارى باسىم باعىتقا اينالاتىنىن ايتقان.
«مەملەكەت باسشىسى ءوز سوزىندە «اتامەكەن» مەن بيزنەس-قوعامداستىق ءۇشىن باسىم باعىتتاردى بەلگىلەدى. حالىقتىڭ تابىسىن ارتتىرۋ باعدارلاماسىن ازىرلەۋ، يمپورتقا تاۋەلدىلىكتى تومەندەتۋ، مەملەكەتتىك قولداۋ شارالارىنىڭ تيىمدىلىگىن ارتتىرۋ، مەملەكەتتىڭ ەكونوميكاداعى ۇلەسىن تومەندەتۋ جانە ت. ب. بويىنشا كەشەندى شارالاردى ىسكە اسىرۋ قاجەت. مەملەكەت باسشىسىنىڭ وسى تاپسىرمالارىنىڭ بارلىعى ۇكپ-نىڭ ءسوزسىز باسىمدىعىندا بولادى»، - دەيدى ەكس-توراعا.
«اتامەكەن» ۇجىمىنىڭ باسىم ماقساتى - ءاردايىم بيزنەستىڭ قۇقىعىن قورعاۋ بولعانىن ايتقان تيمۋر قۇلىبايەۆ ءوزى باسشىلىق ەتكەن كەزەڭدە پالاتانىڭ جوعارعى سوتپەن، باس پروكۋراتۋرامەن جانە سىبايلاس جەمقورلىققا قارسى قىزمەت ورگانىمەن جۇمىسى جولعا قويىلدى دەپ ەسەپتەيتىنىن جەتكىزگەن.
«بۇكىل وڭىرلەردە كاسىپكەرلەردىڭ قۇقىعىن قورعاۋ جونىندەگى كەڭەستەر جۇمىس ىستەپ تۇر. 8 جىل ىشىندە پالاتاعا 41 مىڭ ءوتىنىش كەلىپ ءتۇستى، ولاردىڭ 40%-ى وڭ شەشىمىن تاپتى.
«اتامەكەن» پالاتاسىنىڭ باستاماسىمەن بيزنەس-احۋالدى جاقسارتۋ بويىنشا جۇيەلى جۇمىس جۇرگىزىلدى. زاڭنامالىق تۇزەتۋلەردىڭ 8 پاكەتى قابىلداندى. ەكونوميكالىق قىلمىستاردى كريمينالسىزداندىرۋ جۇرگىزىلدى.
ەكونوميكا سالاسىنداعى قىلمىستىق ىستەردى تىركەۋ 5 ەسە قىسقاردى. قىلمىستىق كودەكستەن «جالعان كاسىپكەرلىك» بابى الىنىپ تاستالدى. رۇقساتتار، حابارلامالار مەن ليسەنزيالار سانى 4 ەسە قىسقاردى. باقىلاۋ-قاداعالاۋ جۇيەسىنە رەفورما جۇرگىزىلىپ، 17 مىڭ نەمەسە تالاپتاردىڭ 58%-ى الىنىپ تاستالدى»، - دەپ ەسكە الدى تيمۋر قۇلىبايەۆ.
ۇندەۋدە «اتامەكەن» ۇلتتىق كاسىپكەرلەر پالاتاسىنىڭ جۇمىسى 2024 جىلعا تولىق سيرفلاندىرىلاتىنى ايتىلعان.
«ءبىز «باستاۋ» جوباسىن شاعىن نەسيەلەۋمەن بايلانىستىرىپ ىسكە قوستىق. مىڭداعان جۇمىسسىزدار، اسىرەسە، اۋىلداردا ءوزىن-وزى جۇمىسپەن قامتىعاندار ءوز ءىسىن باستاۋعا مۇمكىندىك الدى. ءقازىردىڭ وزىندە 180 مىڭنان استام ادام وقىپ شىقتى. 60 مىڭنان استام جوبا ىسكە قوسىلىپ، 70 مىڭ جۇمىس ورنى اشىلدى.
مەكتەپتەردە، كوللەدجدەر مەن جوعارى وقۋ ورىندارىندا «كاسىپكەرلىك جانە بيزنەس نەگىزدەرى» ءپانى ەنگىزىلدى. ول ءپاندى 250 مىڭنان استام ءجاسوسپىرىم وقىپ جاتىر. بۇل ءبىزدىڭ بىرلەسكەن جۇمىسىمىزدىڭ از عانا بولىگى. ءبىراق الدا جاڭا ۇلكەن مىندەتتەر مەن سىن-قاتەرلەر تۇر»، - دەلىنگەن ۇندەۋدە.