جاڭا فورماتتاعى مەكتەپتەرگە بارلىق جيھاز قازاقستاندىق تاۋار وندىرۋشىلەردەن ساتىپ الىنادى.
ق ر ۇكىمەتى «جايلى مەكتەپ» ۇلتتىق جوباسىنا وتاندىق جيھاز جانە ارلەۋ ماتەريالدارىن وندىرۋشىلەردىڭ قاتىسۋىن ارتتىرۋدى كوزدەيتىن وزگەرىستەر مەن تولىقتىرۋلار ەنگىزدى، دەپ حابارلايدى Almaty-akshamy.kz ۇكىمەتتىڭ رەسمي رەسۋرسىنا سىلتەمە جاساپ.
سونداي-اق سىرتقى قاسبەتتەردى ارلەۋدە قولدانىلاتىن ماتەريالداردىڭ باسىم بولىگى وتاندىق ءوندىرىستىڭ تاۋارلارى بولماق.
كاسىپكەرلەردى قولداۋدىڭ قوسىمشا شاراسى رەتىندە ۇزاق مەرزىمدى جەتكىزۋدى جوسپارلاۋعا جانە ءتيىمدى شارتتارمەن جوبانى قارجىلاندىرۋعا مۇمكىندىك بەرەتىن الدىن الا كەلىسىمشارتتاردى قولدانۋ قاراستىرىلعان.
وقۋ-اعارتۋ مينيسترلىگى جەرگىلىكتى اتقارۋشى ورگاندارمەن بىرلەسىپ، سالىنىپ جاتقان مەكتەپتەردى جابدىقتاۋ ءۇشىن جيھازدار مەن قۇرال-جابدىقتارعا قاجەتتى بارلىق تەحنيكالىق شارتتاردى انىقتاعان.
ق ر ۇكىمەتى قابىلداعان وزگەرىستەردى ساپالى ىسكە اسىرۋ ءۇشىن ەلىشىلىك قۇندىلىق ۇلەسىنىڭ كورسەتكىشتەرىنە مونيتورينگ جۇرگىزىلەدى.
«جايلى مەكتەپ» ۇلتتىق جوباسى مەملەكەت باسشىسى قاسىم-جومارت توقايەۆتىڭ تاپسىرماسىمەن جۇزەگە اسىرىلۋدا.
جوبا اياسىندا 740 مىڭ ورىندىق 369 مەكتەپ اشۋ جوسپارلانعان. بۇل ءوز كەزەگىندە اپاتتى جاعدايداعى جانە ءۇش اۋىسىمدى مەكتەپتەر ماسەلەلەرىن شەشەدى.