حالىق ساناعى الماتىدا جانە ەل بويىنشا ونلاين-فورماتتا وتكىزىلەدى.
الماتى قالاسى بويىنشا ستاتيستيكا دەپارتامەنتىنىڭ باسشىسى ايدار ابىلدابەكوۆ وڭىرلىك كوممۋنيكاسيالار قىزمەتى الاڭىندا ساناق ناۋقانىنىڭ دايىندىعى مەن وتكىزىلۋى تۋرالى ەگجەي-تەگجەي ايتىپ بەردى، دەپ حابارلايدى Almaty-akshamy.kz.
ايدار ابىلدابەكوۆتىڭ ايتۋىنشا، ساناق – بەلگىلى ءبىر ۋاقىت كەزەڭىندەگى بارشا ەل حالقىنىڭ «ءبىر مەزەتتە سۋرەتكە ءتۇسۋى» ىسپەتتى.
الماتى قالاسى بويىنشا ستاتيستيكا دەپارتامەنتىنىڭ باسشىسى وتكەن ەكى ساناققا قاراعاندا الداعى ساناقتىڭ «بارىنشا سيفرلانۋىنا» نازار اۋداردى. ەندى پوپۋلياسيا تۋرالى مالىمەتتەردى جيناۋ پروسەسى ەكى جولمەن جۇزەگە اسىرىلادى.
ءبىرىنشى ءادىس – مامانداندىرىلعان رەسۋرس ارقىلى sanaq.gov.kz. سايتتا رەسپوندەنتتەر ورنالاسقان جەرىنە قاراماستان وزدەرىنە جانە وتباسى مۇشەلەرىنە ساناق پاراقتارىن تولتىرا الادى. پورتال 2021 جىلدىڭ 1 قىركۇيەگىنەن 15 قازانعا دەيىن تاۋلىگىنە 24 ساعات بويى قولجەتىمدى بولادى.
ەكىنشى ءادىس — ءداستۇرلى ءۇيدى ارالاۋ. بەلگىلەنگەن مەرزىم بويىنشا ونلاين-رەجيمدە ساناقتان وتپەگەن ازاماتتاردى ارالايتىن بولادى. سۇحبات الۋشىلار قاعاز پاراقتارىنىڭ ورنىنا ەلەكتروندى پلانشەتتەردى قولدانا الادى. ءۇيدى ارالاۋ 1-30 قازان ارالىعىنا جوسپارلانعان.
ەلەكتروندى ساۋالناما مەن ءۇيدى ارالاۋ اياقتالعاننان كەيىن ينتەرۆيۋەرلەر دەرەكتىڭ قامتىلۋى مەن دۇرىستىعىن تەكسەرۋ ءۇشىن ءوز ۋچاسكەلەرىندە رەسپوندەنتتەردىڭ 10%-ىن باقىلاۋ ماقساتىندا ارالايدى.
«بۇل جەردە قاي الەۋمەتتىك توپقا جاتاتىنىنا قاراماستان، ءار ادامنىڭ جاۋابى ۇلكەن ماڭىزعا يە بولادى. 2021 جىلعى ق ر ۇلتتىق ساناعىنىڭ ۇرانىنا سايكەس، قازاقستان ءۇشىن ءاربىر ادام ماڭىزدى»، – دەدى وكق بريفينگى بارىسىندا ايدار ابىلدابەكوۆ.
جۇرگىزىلگەن حالىق ساناعىنىڭ قورىتىندىسى بويىنشا كورسەتكىشتەردىڭ كەڭ اۋقىمى الىنادى. جينالعان اقپارات حالىق سانىن پەرسپەكتيۆالىق ەسەپتەۋ مەن ەلدەگى تاياۋ جىلدارداعى الەۋمەتتىك-ەكونوميكالىق جاعدايدىڭ سيپاتتامالارى ءۇشىن نەگىز بولادى. ساناق ناتيجەلەرى اۋداندار، قالالار مەن اۋىلدار بولىنىسىندە حالىق سانى مەن ونىڭ قۇرامى تۋرالى ناقتى دەرەكتەر الاتىن وڭىرلەرگە ومىرلىك قاجەت بولادى. وسى دەرەكتەر نەگىزىندە ۋاقتىلى باسقارۋشىلىق شەشىمدەر قابىلدانادى.
«ءار ءتۇرلى جاستاعى ادامداردىڭ قايدا جانە قانشا ۋاقىت تۇراتىنىن بىلە وتىرىپ، مەملەكەتتىك بالاباقشالار، مەكتەپتەر، اۋرۋحانالار جانە باسقا دا الەۋمەتتىك نىساندار سالۋدى جوسپارلاي الادى. سونىمەن قاتار، ساناق قورىتىندىسى ەكونوميكالىق داعدارىس، ىندەتتەر ادامداردىڭ ومىرىنە قالاي اسەر ەتەتىنىن باعالاۋعا مۇمكىندىك بەرەدى، سونداي-اق ۇلتتىق جوبالاردىڭ ناتيجەلەرىن شىعارۋعا كومەكتەسەدى»، – دەپ اتاپ ءوتتى سپيكەر.
ساناق ناۋقانىنىڭ ارتىقشىلىقتارى تۋرالى ايتا كەلە، ايدار ابىلدابەكوۆ بيىلعى جىلى تەك ق ر ازاماتتارى عانا ەمەس، قازاقستان رەسپۋبليكاسىنىڭ اۋماعىندا تۇراقتى تۇراتىن شەتەلدىكتەر، ازاماتتىعى جوق ادامدار دا قايتا جازىلاتىنىن ايتتى. سونداي-اق قىزمەتتىك مەملەكەتتىك مىندەتتەرىن ورىنداۋعا بايلانىستى شەتەلدە جۇرگەن قازاقستاندىقتار (ديپلوماتيالىق كورپۋس) جانە «بولاشاق» باعدارلاماسى بويىنشا وقۋدا.
شەتەلدە تۇراقتى تۇراتىن، سونداي-اق شەتەلگە 12 اي جانە ودان دا كوپ مەرزىمگە جۇمىسقا نەمەسە وقۋعا كەتكەن قازاقستان رەسپۋبليكاسىنىڭ ازاماتتارى، ءوز مەملەكەتتەرىنىڭ ديپلوماتيالىق جانە باسقا وكىلدىكتەرىندە جۇمىس ىستەيتىن شەتەل ازاماتتارى، شەتەلدىك اسكەري قىزمەتشىلەر مەن ولاردىڭ وتباسى مۇشەلەرى قايتا جازىلمايدى.