ستاتيستيكا دەپارتامەنتى مەگاپوليس تۇرعىندارىن ساناق ناۋقانىنا تۇسىنىستىكپەن قاراۋعا شاقىردى.
2 ماۋسىم كۇنى الماتى قالاسى بويىنشا ستاتيستيكا دەپارتامەنتىنىڭ باسشىسى ايدار ابىلدابەكوۆ حالىق ساناعىنىڭ ءتارتىبىن جانە ساناققا 2 مىڭنان استام ينتەرۆيۋەر قاجەتتىگى تۋرالى مالىمدەدى، دەپ حابارلايدى Almty-akshamy.kz.
وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى بويىنشا ستاتيستيكا دەپارتامەنتىنىڭ باسشىسى ايدار ابىلدابەكوۆ 2021 جىلعى ساناق ناۋقانى تۋرالى ايتىپ بەردى.
«ساناق پاراقتارىنا ەنگىزىلگەن سۇراقتار تىزبەسى وتكەن ساناققا قاراعاندا كەڭەيتىلىپ،67 نەگىزگى سۇراق پەن 20 جاناما سۇراقتان تۇرادى. سۇراقتار ەۋروپالىق ستاتيستتەردىڭ ۇسىنىستارىنا سايكەس جاسالدى»، - دەدى ايدار ابىلدابەكوۆ.
حالىق ساناعىن وتكىزۋگە ءبىلىم دەڭگەيىنە قاراماستان قازاقستان رەسپۋبليكاسىنىڭ كەز كەلگەن نيەت بىلدىرگەن ازاماتى قاتىسا الادى.
ستاتيستيكا دەپارتامەنتى ساناق قىزمەتكەرلەرىن تولىق ەمەس جۇمىسقا قابىلداۋعا دايىن. نيەت بىلدىرۋشىلەر اباي كوشەسى، 125 مەكەنجايى بويىنشا كادر قىزمەتىنە جۇگىنە الادى.
«ازىرگە ءبىز باستاپقى ساناق قىزمەتكەرلەرىن تاڭدادىق. قازان ايىندا بىزگە 2 مىڭنان استام ينتەرۆيۋەر قاجەت بولادى، سونداي-اق بىزگە رەزەرۆشىلەر قاجەت. بارلىق تارتىلعان ساناق قىزمەتكەرلەرى الماتى قالاسىنىڭ قوعامدىق كولىكتەرىندە تەگىن جول جۇرۋمەن قامتاماسىز ەتىلەدى»، - دەدى ايدار ابىلدابەكوۆ.
ايتا كەتەيىك، الماتى قالاسى بويىنشا ستاتيستيكا دەپارتامەنتى مەگاپوليس تۇرعىندارىن ساناق ناۋقانىنا تۇسىنىستىكپەن قاراۋعا شاقىردى. ىڭعايلى بولۋ ءۇشىن ساناق پاراقتارىن ونلاين رەجيمدە تولتىرۋعا بولادى.