ەكپە سالدىرعاندار اراسىندا ۇتىس ويناتىلادى

تاۋ ۆەلوسيپەدى، توڭازىتقىش جانە Samsung Galaxy S21: الداعى 5 كۇندە ۆاكسينا قابىلداعان تۇرعىندار اراسىندا 20-دان استام باعالى سىيلىق ۇتىسى ويناتىلادى.

 جەتىسۋ اۋدانىنىڭ اكىمى COVID-19-عا قارسى ۆاكسينانىڭ ءبىرىنشى كومپونەنتىن قابىلداعان تۇرعىندار اراسىندا لوتورەيا ويناتىلاتىنى تۋرالى جاريالادى. وسىلايشا جەرگىلىكتى اتقارۋشى بيلىك الماتى قالاسىندا جاپپاي ۆاكسيناسيالاۋدى ناسيحاتتاۋدى كوزدەيدى، دەپ حابارلايدى اlmaty-akshamy.kz.

«لوتورەياعا قاتىسۋعا نيەتتىلەر جەتىسۋ اۋدانىنداعى ۆاكسيناسيا ورتالىقتارىندا 2021 جىلدىڭ 29 مامىرى مەن 4 ماۋسىمى ارالىعىندا ۆاكسينانىڭ ءبىرىنشى كومپونەنتىن سالدىرۋى قاجەت. ۇتىس قورىتىندىسى سەنبى كۇنى، 5 ماۋسىمدا شىعارىلادى»، - دەپ حابارلادى اكىمدىك وكىلدەرى.

جەڭىمپاز جالعىز ەمەس، 21 ادام بولاتىندىقتان حالىقتىڭ قاتىسۋعا دەگەن ىنتاسى زور. ۆاكسينا سالدىرعاندار اراسىندا Samsung Galaxy S21 تەلەفونى، سونىمەن قاتار Samsung A32 سمارتفونى، Samsung Galaxy Buds live قۇلاققابى، توڭازىتقىش، تاۋ ۆەلوسيپەدى سەكىلدى 5 قوسىمشا سىي، بۇدان بولەك 16 ىنتالاندىرۋ سىيلىعى ويناتىلادى.

ايتا كەتەتىن ماسەلە،  الماتىلىق ەپيدەميولوگتار COVID-19-عا قارسى ەكپە ەپيدەمياعا توسقاۋىل قوياتىن ۇجىمدىق يممۋنيتەتتىڭ قالىپتاسۋىندا ماڭىزدى ءرول اتقاراتىنىن ايتۋدا. ۆاكسيناسياعا قارقىن بەرۋ ءۇشىن الماتىدا ەكپە سالدىرعانداردى ىنتالاندىرۋ ءىسى ءجۇرىپ جاتىر.

1 ماۋسىمدا قالاداعى 2  سوسو ۇيالى تەلەفوندار، تۇرمىستىق تەحنيكا، مەيرامحانا سەرتيفيكاتى، سونداي-اق جەڭىلدىك كارتالارى ويناتىلدى. مۇنداي تاجىريبە اقش، ەۋروپا جانە رەسەيدە بار.