قازاقستان رەسپۋبليكاسى ۇلتتىق عىلىم اكادەمياسىنىڭ مارتەبەسىن ارتتىرۋ ماقساتىندا مەملەكەت باسشىسى 27 ناۋرىزدا ونى قازاقستان رەسپۋبليكاسى پرەزيدەنتىنىڭ جانىنداعى «قازاقستان رەسپۋبليكاسىنىڭ ۇلتتىق عىلىم اكادەمياسى» كوممەرسيالىق ەمەس اكسيونەرلىك قوعامى دەپ قايتا اتاۋ تۋرالى جارلىققا قول قويدى.
پرەزيدەنت جانىنداعى عىلىم اكادەمياسى قىزمەتىنىڭ نەگىزگى باعىتتارىنىڭ قاتارىندا الەۋمەتتىك-ەكونوميكالىق دامۋدىڭ باسىمدىقتارىنا سايكەس عىلىمي، عىلىمي-تەحنيكالىق جانە يننوۆاسيالىق قىزمەتتىڭ باسىم باعىتتارىن، سونداي-اق ستراتەگيالىق دامۋدىڭ، ىرگەلى جانە قولدانبالى عىلىمي زەرتتەۋلەردىڭ باسىم باعىتتارىن ايقىنداۋ بويىنشا ۇسىنىمدار ازىرلەۋ بولادى، دەپ حابارلايدى Almaty-akshamy.kz.
ۇلتتىق عىلىم اكادەمياسىنىڭ مەملەكەتتىك مارتەبەسى قايتارىلدى. اكادەميكتەرگە ستيپەنديالار بەلگىلەندى، اكادەميانى رەسپۋبليكالىق بيۋدجەتتەن قارجىلاندىرۋ ماسەلەلەرى شەشىلدى، «عىلىم ورداسى» عيماراتىن كۇردەلى جوندەۋ باستالدى.
ەندى قازاقستان رەسپۋبليكاسىنىڭ ۇلتتىق عىلىم اكادەمياسى ەلىمىزدىڭ جوعارى عىلىمي ۇيىمى بولىپ تابىلادى. مەملەكەت باسشىسى اكادەمياعا جوعارى مەملەكەتتىك مارتەبە بەردى - قازاقستان رەسپۋبليكاسى پرەزيدەنتىنىڭ جانىنداعى ق ر ۇعا! سونىمەن قاتار، الەمنىڭ بارلىق جەتەكشى ەلدەرىندەگى سياقتى ءبىزدىڭ عىلىم اكادەمياسىنىڭ بارلىق مۇشەلەرىنىڭ مارتەبەسى دە ارتىپ كەلەدى.
قازاقستان رەسپۋبليكاسىنىڭ پرەزيدەنتى ق.توقايەۆ عىلىم اكادەمياسىنا جوعارى بەدەل بەرۋ تۋرالى جارلىققا قول قويدى. ەندى ق ر ۇعا مەن ۇلكەن عىلىمنىڭ بارلىق ماسەلەلەرى ق ر پرەزيدەنتى اكىمشىلىگىندە شەشىلەتىن بولادى.
ۇلتتىق عىلىم اكادەمياسىنىڭ پرەزيدەنتىن قازاقستان رەسپۋبليكاسىنىڭ پرەزيدەنتى قىزمەتكە تاعايىندايدى جانە قىزمەتتەن بوساتادى.