سوڭعى جىلدارى حالىقارالىق جۋرنالداردا عىلىمي جاريالانىمداردىڭ ءوسۋى (2022 جىلى - باسىلىمداردىڭ جالپى سانىنان 0،14%، 2020 جىلى-0،13%)، سونداي-اق Scopus بازاسىنا كىرەتىن قازاقستاندىق عىلىمي جۋرنالدار سانىنىڭ ءوسۋى بايقالادى، دەپ حابارلايدى اlmaty-akshamy.kz.
بۇل ەلىمىزدەگى عىلىمي جەتىستىكتەردى الەمدىك قوعامداستىق مويىنداعانىن كورسەتەدى. ماتەماتيكا، ينجەنەريا، ەكولوگيا، ميكروبيولوگيا، مولەكۋلالىق بيولوگيا جانە گەنەتيكا سياقتى عىلىمي باعىتتار بويىنشا كورسەتكىشتەر جاقساردى.
وتاندىق عالىمداردىڭ جەتىستىكتەرىنىڭ ىشىندە QazVac كوروناۆيرۋسىنا قارسى قازاقستاندىق جوعارى ءتيىمدى ۆاكسينانىڭ ازىرلەۋىن اتاپ ءوتۋ قاجەت.
سونىمەن قاتار، ءبىرىڭعاي تەرەزە سيفرلىق پلاتفورماسى ارقىلى عزتكج-نى قارجىلاندىرۋعا جەر قويناۋىن پايدالانۋشىلاردىڭ مىندەتتەمەلەرىن ورتالىقتاندىرۋ بويىنشا جۇمىس جۇرگىزىلۋدە (1%). ايتا كەتەرلىك ءبىر جايت، «سامۇرىق-قازىنا» ۇلتتىق ءال-اۋقات قورىندا عىلىمي-تەحنيكالىق باستامالار ورتالىعى قۇرىلدى. بيىلعى جىلى ەسەپكە الۋ، تىركەۋ جانە ساراپتاما پروسەستەرىنىڭ ءبىرىڭعاي سيفرلىق پلاتفورماسىن ىسكە قوسۋ جوسپارلانىپ وتىر. جەر قويناۋىن پايدالانۋشىلاردىڭ بىلىمگە جانە عزتكج مىندەتتەمەلەرىنىڭ 1% - پايدالانۋدى ۇيلەستىرۋ بويىنشا نقا-عا ءتيىستى وزگەرىستەر ەنگىزىلەتىن بولادى.
بۇگىنگى تاڭدا عىلىم سالاسىن باسقارۋ، عىلىمي قىزمەت ناتيجەلەرىن كوممەرسيالاندىرۋ، تەحنولوگيالاردى دامىتۋ جانە يننوۆاسيالىق قىزمەتتى قولداۋ ماسەلەلەرىن ۇندەستىرۋ ماقساتىندا مينيسترلىكپەن «عىلىم جانە تەحنولوگيالىق ساياسات تۋرالى» زاڭ جوباسى ازىرلەنۋدە.