الماتى قالاسىنىڭ سوتى ۇستالعان ۇلتتىق ەكونوميكا ءمينيسترىنىڭ ورىنباسارى ءىلياس وسەروۆتى 2 اي مەرزىمگە ءۇيقاماققا الۋ تۋرالى شەشىم شىعاردى، دەپ حابارلايدى Almaty-akshamy.kz الماتى سوتىنىڭ باسپا ءسوز قىزمەتىنە سىلتەمە جاساپ.
«10 ساۋىردە الماتى قالاسىنىڭ مامانداندىرىلعان اۋدانارالىق تەرگەۋ سوتىنا سىبايلاس جەمقورلىققا قارسى ءىس-قيمىل اگەنتتىگىنەن كۇدىكتى ءى. وسەروۆكە قاتىستى 2 اي مەرزىمگە ءۇي قاماعىنا الۋ تۇرىندەگى بۇلتارتپاۋ شاراسىن قولدانۋ تۋرالى الماتى قالاسى پروكۋرورىنىڭ ورىنباسارى كەلىسكەن ءوتىنىش كەلىپ ءتۇستى»، - دەلىنگەن حابارلامادا.
«ءوتىنىش قاناعاتتاندىرىلدى. كۇدىكتىگە قاتىستى ەكى اي مەرزىمگە، ياعني 2023 جىلعى 10 ماۋسىمعا دەيىن بۇلتارتپاۋ شاراسى قولدانىلدى»، - دەيدى سوتتان.
بۇعان دەيىن حابارلاعانىمىزداي، سىبايلاس جەمقورلىققا قارسى ءىس-قيمىل اگەنتتىگىنىڭ باسپا ءسوز قىزمەتى ۇلتتىق ەكونوميكا ۆيسە-مينيسترى ءىلياس وسەروۆتىڭ ۇستالعانىن راستاعان ەدى.