سونداي-اق كورمە ۇيىمداستىرىلدى
مەملەكەتتىك ورتالىق مۋزەيىندە 1916 جىلعى تورعاي ۋەزىندە وتكەن «ۇلت-ازاتتىق» كوتەرىلىستىڭ باس ساردارى، تەڭدىك جولىنداعى كۇرەسكەر باتىر - امانگەلدى يمانوۆتىڭ تۋعانىنا 150 جىل تولۋىنا وراي «حالىقتىڭ ۇلى، حاس باتىرى امانگەلدى» ادەبي-سازدى كەشى ءوتتى، دەپ حابارلايدى Almaty-akshamy.kz.
ادەبي-سازدى كەشتىڭ قۇرمەتتى قوناقتارى ا.يمانوۆتىڭ جيەن نەمەرەسى التىنبايەۆا ساۋلە ءسابيت قىزى، ەڭبەك ارداگەرى، قوعام قايراتكەرى، قۇرمەت وردەنىنىڭ يگەرى، ۇلت جاناشىرى - سارقىتبايەۆا ءداريا ءابىقۇل قىزى مەن اقىن، سازگەر، جۋرناليست امانعازى كارىپجاناۋلەتىنىڭ، پ.چايكوۆسكيي اتىنداعى الماتى مۋزىكا كوللەدجىنىڭ ديرەكتوردىڭ ورىنباسارى راحىمبايەۆا گۇلنار بازارباي قىزى ءسوز سويلەدى.
ادەبي-سازدى كەشتە قۇرمانعازى اتىنداعى قازاق ۇلتتىق كونسەرۆاتورياسى جانە پ.چايكوۆسكيي اتىنداعى الماتى مۋزىكا كوللەدجىنىڭ ستۋدەنتتەرى اتالعان ءىس شارانىڭ وتۋىنە ات سالىسىپ، ءوز ونەرلەرىن كورسەتتى. سونىمەن قاتار، قازاق ۇلتتىق كونسەرۆاتورياسىنىڭ تۇلەگى، كۇيشى ا.يمانوۆتىڭ جەرلەسى، ارنايى تورعاي وڭىرنەن كەلگەن ەرمەك قازمۇحامبەتوۆ 1916 جىلعى كوتەرىلىسكە ارنالعان «يۋن جارلىعى» كۇيىن ورىنداپ، كەش قوناقتارىن تامساندىردى.
كەش سوڭىندا كەلگەن قوناقتار ورتالىق مۋزەيدىڭ «قازاقستان تاريحىن زەرتتەۋ» ءبولىمى ۇيىمداستىرعان كورمەنى تاماشالادى. كورمەدە تورعاي كوتەرىلىسىنىڭ جەتەكشىلەرى مەن ونىڭ قاتىسۋشىلارىنىڭ تاريحي ءرولىن ايعاقتايتىن فوتو-ماتەريالدار قويىلدى. كورمە تاماشالاۋشىلار ا.يمانوۆتىڭ ومىرىمەن تانىس بولىپ قانا قويماي، جەكە زاتتارىمەن دە جاقىن تانىستى.