بۇگىن ءوتىنىمدى قابىلداۋ باستالدى.
قازاقستان ۇلتتىق بانكى زەرتتەۋ جۇمىستارىنا گرانتتار ۇسىنۋ ءۇشىن ىزدەنۋشىلەر اراسىندا كونكۋرستىق ىرىكتەۋ جۇرگىزەدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
زەرتتەۋ گرانتتارىنان ءۇمىتتى ىزدەنۋشىلەردى كونكۋرستىق ىرىكتەۋ ەكى تاقىرىپ بويىنشا وتەدى:
تۋىندى قارجى قۇرالدارىنىڭ نارىعى: كەدەرگىلەر مەن دامىتۋ بويىنشا شارالار؛
كەپىلدى كرەديتورلاردىڭ قۇقىقتارى: قازاقستان پراكتيكاسى مەن حالىقارالىق تاجىريبە.
كونكۋرستىق ىرىكتەۋگە زاڭدى تۇلعالاردان:
- جوعارى جانە جوعارى وقۋ ورنىنان كەيىنگى ءبىلىم بەرۋ باعدارلامالارىن ىسكە اسىرۋعا، زەرتتەۋ قىزمەتىنە، عىلىمي قىزمەتكە نەمەسە ساۋالنامالار جۇرگىزۋ، دەرەكتەردى ينتەگراسيالاۋ ارقىلى مالىمەت جيناۋ، ساقتاۋ جانە (نەمەسە) وڭدەۋ ىسىنە بايلانىستى ماقساتتارعا، مىندەتتەر مەن فۋنكسيالارعا سايكەس قىزمەتتى جۇزەگە اسىراتىن ىزدەنۋشىلەر؛
- تاراتىلۋ الدىندا تۇرعان نەمەسە بانكروتتىق پروسەستە جوق زاڭدى تۇلعالار (بۇدان ءارى – ىزدەنۋشىلەر) قاتىسا الادى.
كونكۋرستىق قۇجاتتامادا حابارلاندىرۋدىڭ تولىق ءماتىنى، ونىڭ ىشىندە زەرتتەۋ تاقىرىپتارىنىڭ ءتىزىمى، قويىلاتىن تالاپتار، ىزدەنۋشىلەردى ىرىكتەۋدەگى تالاپتار، ۇلتتىق بانك بولىمشەلەرىنىڭ جاۋاپتى ادامدارىنىڭ بايلانىس دەرەكتەرى بەرىلگەن.
ىزدەنۋشىنىڭ ءبىرىنشى باسشىسىنىڭ نەمەسە ىزدەنۋشى وكىلىنىڭ سەنىمحاتى نەگىزىندە ۋاكىلەتتىك بەرىلگەن ادامنىڭ ەلەكتروندىق سيفرلىق قولتاڭباسىمەن راستالعان وتىنىمدەر ەلەكتروندىق ۇلگىدە ۇلتتىق بانك پورتالى ارقىلى بەرىلەدى.
ءوتىنىم قابىلدانا باستايتىن كۇن – 2022 جىلعى 22 قازان.
ءوتىنىم ۇسىنۋدىڭ سوڭعى مەرزىمى – 2022 جىلعى 5 جەلتوقسان.
گرانت بەرۋ تۋرالى شەشىمدى گرانت ۇسىنۋشى كوميسسيا قابىلدايدى، ونىڭ قۇرامىنا ۇلتتىق بانك پەن باسقا دا ۇيىمداردىڭ وكىلدەرى كىرەدى. ىرىكتەۋ جۇمىستارىنىڭ وبەكتيۆتىلىگىن قامتاماسىز ەتۋ ءۇشىن وتىنىمدەر تاۋەلسىز شولۋشىلاردىڭ قورىتىندىلارىنا ساي قاراستىرىلادى. وتىنىمدەر قارالىپ بولعاننان كەيىن ۇلتتىق بانك زەرتتەۋدىڭ ءبىر تاقىرىبىنا بىرنەشە گرانت بەرۋگە نەمەسە كەيبىر تاقىرىپتاردى گرانتسىز قالدىرۋعا قۇقىلى.