وزىندىك يدەياسى بار بىلىمگەرلەر ويىن ورتاعا سالۋ ارقىلى پىكىر الماستى
جاستارعا جان-جاقتى قولداۋ كورسەتۋ – مەملەكەتىمىزدىڭ باستى مىندەتىنىڭ ءبىرى. پرەزيدەنتتىڭ جولداۋدا ايتقان ءدال وسى سوزىنە قاناتتانعان ستۋدەنتتەر الماتىدا باس قوستى، دەپ حابارلايدى almaty-akshamy.kz Almaty.tv سىلتەمە جاساپ
وزىندىك يدەياسى بار بىلىمگەرلەر ويىن ورتاعا سالۋ ارقىلى پىكىر الماستى. ايتا كەتسەك، مەملەكەت باسشىسى قاسىم-جومارت توقايەۆ قىركۇيەكتەگى جولداۋىندا جاستاردىڭ كاسىپكەرلىك باستامالارىنا قولداۋ كورسەتىلەتىنىن جانە ولارعا جەڭىلدەتىلگەن تارتىپپەن جىلدىق ءوسىمى 2،5 پايىز بولاتىن شاعىن نەسيە بەرىلەتىنىن مالىمدەدى. سوزىنشە، ەڭبەكپەن قامتيتىن ءتۇرلى شارالار ارقىلى كەلەسى جىلى 100 مىڭ جاس جۇمىسپەن قامتىلۋى ءتيىس.
«وزىندىك پىكىرى بار، ەلىمىزدىڭ دامۋىنا سەپتىگىن تيگىزەر ۇسىنىس ايتار، باعىت كورسەتەر جاس كوپ. ءبىراق ولاردىڭ بارلىعىنىڭ باسىن قوسىپ، ءبىر ورتاعا جيناۋ ءۇشىن وسىنداي ديالوگ الاڭدارى كەرەك»، – دەدى «جاستار رۋحى» جاستار قاناتىنىڭ ءتوراعاسى اكەجان كەڭەسوۆ.