قاراشانىڭ قورىتىندىسى بويىنشا جىلدىق ينفلياسيا تومەندەپ، 12،4% دەڭگەيىندە تۇراقتادى. بۇل تۋرالى ۇكىمەت وتىرىسىندا ق ر ۇلتتىق بانكىنىڭ ءتوراعاسى تيمۋر سۇلەيمەنوۆ مالىمدەدى، - دەپ حابارلايدى aqshamnews.kz ءتىلشىسى.
ول ينفلياسياعا ەڭ ۇلكەن ۇلەستى ازىق-تۇلىك تاۋارلارى باعاسىنىڭ ءوسۋى قوسىپ وتىرعانىن اتاپ ءوتتى. جىلدىق كورسەتكىش جەكەلەگەن ازىق-تۇلىك ونىمدەرىنىڭ الەمدە باعاسى جانە ىشكى ءوندىرىستىڭ ءوسىپ كەلە جاتقان شىعىندارىمەن بايلانىستى 13،4% بولعان.
"قاراشادا ازىق-تۇلىك ەمەس ينفلياسيا 11،2%، اقىلى قىزمەتتەر ينفلياسياسى 12،3% بولدى. 2025 جىلعى قازان-قاراشا ايلارىندا جىلدىق ينفلياسيانىڭ باياۋلاۋى ۇكىمەتتىڭ اكىمشىلىك شارالارى ناتيجەسىندە تۇرعىن ۇي-كوممۋنالدىق قىزمەتتەر (تكق) تاريفتەرىنىڭ تومەندەگەنىمەن بايلانىستى بولدى. سونىمەن قاتار، تكق تاريفتەرىنىڭ كوتەرىلۋى مەن ججم نارىعىن ىرىقتاندىرۋدىڭ جاناما اسەرلەرى ينفلياسياعا جانە ينفلياسيالىق كوڭىل-كۇيگە ايتارلىقتاي اسەر ەتۋدە. سونداي-اق تۇراقتى ىشكى سۇرانىس، جالعاسىپ جاتقان فيسكالدىق ىنتالاندىرۋ جانە ينفلياسيالىق كوڭىل كۇيدىڭ ارتۋى باعانىڭ وسۋىنە اسەر ەتىپ وتىر"، - دەدى تيمۋر سۇلەيمەنوۆ.