ۇلتتىق بانك نەسيە الاتىنداردىڭ سانىن ازايتادى

ول ءۇشىن قاتاڭ شارا قابىلداماق.

حالىققا بەرىلەتىن كرەديت كولەمىن ازايتۋ ماقساتىندا ۇلتتىق بانك ارنايى شارالاردى قولعا الماقشى، دەپ حابارلايدى aqshamnews.kz

بۇل تۋرالى تيمۋر سۇلەيمەنوۆ ءمالىم ەتتى.

ۇلتتىق بانك باسقارما ءتوراعاسىنىڭ سوزىنشە، حالىققا بەرىلەتىن كرەديتتەر ءوسىمى 24%-دى قۇرادى. ونىڭ ىشىندە تۇتىنۋشىلىق كرەديتتەر 34،5%-عا وسكەن.

«حالىقتىڭ شامادان تىس بەرەشەگىن بولدىرماۋ ءۇشىن قارجى رەتتەۋشىلەرى، ۇكىمەت پەن پارلامەنتتىڭ ورتاق باستاماسىمەن زاڭ قابىلداندى. مەرزىمى وتكەن بەرەشەگى بار ازاماتتارعا كرەديت بەرۋگە تىيىم سالىندى. قارىزداردى كوللەكتورلارعا بەرۋگە ەكى جىلعا موراتوريي ەنگىزىلدى. تۇتىنۋشىلىق قارىزداردىڭ ەڭ جوعارعى سوماسى بەلگىلەندى. دەگەنمەن تۇتىنۋشىلىق كرەديتتەردىڭ قارقىنى ءالى دە جوعارى»، – دەپ تۇسىندىرەدى تيمۋر سۇلەيمەنوۆ.

ەندى سول تۇتىنۋشىلىق كرەديتتەر كولەمىن ازايتۋ ءۇشىن رەتتەۋشى قوسىمشا شارالار ەنگىزىلگەنى دۇرىس دەپ ەسەپتەيدى.

«وسىعان وراي بيىل قارجى نارىعىن رەتتەۋ اگەنتتىگىمەن بىرلەسىپ، بيىل جەكە تۇلعالاردى كرەديتتەۋ سەگمەنتتە كاپيتالدىڭ كونتريسيكلدىق بۋفەرىن قولدانۋ ماسەلەسىن جانە باسقا دا شارالار قاراستىرىپ جاتىرمىز»، – دەدى سۇلەيمەنوۆ جيىندا.

وسىعان دەيىن ءبىرىنشى كرەديتتىك بيۋرو 2024 جىلداعى كرەديت نارىعىنا شولۋىن جاريالاعان. بكب مالىمەتىنە سەنسەك، 2025 جىلدىڭ 1 قاڭتارىنداعى ەسەپ بويىنشا، تۇتىنۋشى نەسيەلەر كولەمى 11،7 ترلن تەڭگەگە جەتتى. ءبىر جىل ىشىندە بۇل سەگمەنت 22،9%-عا نەمەسە 2،2 ترلن تەڭگەگە كوبەيگەن.