15 قاراشادا قازاقستاننىڭ ۇلتتىق ۆاليۋتاسىنا 30 جىل تولادى.
اتاۋلى مەرەكەگە وراي ۇلتتىق بانك "TEŃGEGE 30 JYL" كوللەكسيالىق مونەتالارىن اينالىمعا شىعارادى، - دەپ حابارلايدى Almaty-akshamy.kz. ۇلتتىق بانكتىڭ باسپا ءسوز قىزمەتىنە سىلتەمە جاساپ.
"TEŃGEGE 30 JYL" مونەتاسىنىڭ ديزاينى "₸" تەڭگە بەلگىسىن پايدالانۋ ارقىلى جاسالعان. بەلگىنىڭ سول جاعىنداعى ويۋ-ورنەك دامۋ مەن وركەندەۋدى، سونداي-اق، ۇلتتىق بولمىس پەن ناقىشتى بىلدىرەدى. "TEŃGEGE 30 JYL" كوللەكسيالىق مونەتالارى كۇمىستەن جاسالعان، سىناماسى - 925/1000، ءون بويىندا تانتال دا بار. مونەتا ديامەترى - 50 مم، دايىنداۋ ساپاسى - proof، نومينالى - 1 000 تەڭگەلىك، تارالىمى - 300 دانا. مونەتانىڭ جالپى ماسساسى - 84،32 گرامم"، - دەلىنگەن ۇلتتىق بانك مالىمەتىندە.
ۇلتتىق بانك مالىمەتىنە سۇيەنەتىن بولساق، كوللەكسيالىق مونەتالار قازاقستاننىڭ بۇكىل اۋماعىندا بەلگىلەنگەن قۇنىنا ساي تولەمنىڭ بارلىق ءتۇرى بويىنشا قابىلدانادى، سونداي-اق، ەلدىڭ بارلىق بانكىندە بانك شوتتارىنا ەسەپكە الىنادى، اۋدارىلادى، ۇساقتالادى، ايىرباستالادى.
كوللەكسيالىق مونەتالار قازاقستان تەڭگە سارايىندا دايىندالعان.