ۇلتتىق ادەبيەت الەمدىك نارىققا شىعادى

جەتەكشى باسپالارمەن كەلىسسوزدەر جۇرگىزىلىپ جاتىر.

مادەنيەت جانە سپورت مينيسترلىگى ۇلتتىق ادەبيەتتى الەمدىك نارىققا شىعارۋ ءۇشىن جەتەكشى شەتەلدىك باسپالارمەن كەلىسسوزدەر جۇرگىزۋدە، دەپ حابارلايدى Almaty-akshamy.kz Egemen.kz سىلتەمە جاساپ.

بۇل تۋرالى ق ر مسم مۇراعاتتار جانە قۇجات اينالىمى كوميتەت ءتوراعاسى قۋات بوراش قاتىسقان فرانكفۋرت حالىقارالىق كىتاپ كورمەسىنەن كەيىن بەلگىلى بولدى.

«قازاق ادەبيەتى – جاھاندىق كەڭىستىكتىڭ ءبىر بولىگى. وندا ول ماڭىزدى ورىن الادى. جازۋشىلارىمىزدىڭ ارقاسىندا الەمگە بارىنشا كەڭ اۋقىمدا ءبىزدىڭ باي تاريحىمىز بەن ماۋەلى مادەنيەتىمىز تۋرالى ايتىپ بەرۋدىڭ بىرەگەي مۇمكىندىگىنە يە بولدىق. بۇل رەتتە ءبىزدىڭ مىندەتىمىز – كلاسسيكتەردى دە، قازىرگى اۆتورلاردى دا ەۋروپا مەن ازيا نارىعىنا شىعارۋ. سوندىقتان بۇگىن ءبىز وتاندىق ادەبيەتتى الەمنىڭ تانىمال تىلدەرىنە اۋدارۋ جانە ىلگەرىلەتۋ بويىنشا جەتەكشى باسپالارمەن كەلىسسوزدەر جۇرگىزىپ جاتىرمىز»، - دەدى قۋات بوراش.

فرانكفۋرت كىتاپ جارمەڭكەسى كىتاپ شىعارۋ الەمىندەگى باستى وقيعالاردىڭ ءبىرى بولىپ سانالادى. بيىل وعان الەمنىڭ 85 ەلىنەن مىڭداعان جازۋشى، اقىن، دراماتۋرگتەرى قاتىسقان.