5 قىركۇيەكتەن باستاپ ءبىر جىلعا ساقتاندىرۋ مۇمكىندىگى پايدا بولعان ەدى. ساقتاندىرۋ ستاتۋسىن بەرۋدىڭ جاڭا مەحانيزمى ءمامس جۇيەسىندەگى كوپشىلىك كۇتكەن جانە ءتيىمدى وزگەرىستەردىڭ بىرىنە اينالدى. بۇگىنگى كۇنگە دەيىن 2،6 مىڭنان استام ازامات جاڭا تەتىكتى پايدالانىپ ۇلگەردى، دەپ حابارلايدى اlmaty-akshamy.kz مسق الماتى فيليالىنىڭ باسپا ءسوز قىزمەتىنە سىلتەمە جاساپ.
حابارلاماعا سۇيەنسەك، 2022 جىلدىڭ قىركۇيەگىنەن باستاپ مىندەتتى الەۋمەتتىك مەديسينالىق ساقتاندىرۋ جۇيەسىندە ءوزىن-وزى جۇمىسپەن قامتىعان ازاماتتاردى ساقتاندىرۋ ءتارتىبى وزگەردى. بۇدان بىلاي اتالعان ساناتتاعى تۇرعىندار الداعى 12 ايعا جارنا تولەپ ساقتاندىرۋ جۇيەسىنە قوسىلۋعا مۇمكىندىك الدى. ماسەلەن، پاسيەنت ءمامس پاكەتىندەگى قىزمەتتەردى پايدالانۋ ءۇشىن وتكەن جىلدىڭ بەرەشەگىن وتەمەي، 2022 جىلدىڭ قىركۇيەك ايىنان باستاپ 2023 جىلدىڭ قىركۇيەگىنە دەيىن جارنا اۋدارا الادى. ستاتۋس 3 كۇننەن كەيىن بەرىلەدى، سەبەبى ەكىنشى دەڭگەيلى بانكتەر تولەمدەردى 3 كۇن وڭدەيدى.
بۇرىنعى ءتارتىپ بويىنشا، ساقتاندىرۋ ستاتۋسىنا يە بولۋ ءۇشىن، وتكەن 12 ايدىڭ قارىزىن وتەۋ قاجەت بولاتىن. جاڭا مەحانيزم 5 قىركۇيەكتەن باستاپ تولىققاندى ىسكە قوسىلدى. ساراپشىلار بولجامىنشا، بۇل ءادىس ساقتاندىرىلماعان ازاماتتاردىڭ شامامەن 30 پروسەنتىن ساقتاندىرۋمەن قامتۋعا مۇمكىندىك بەرمەك.
قازان ايىنىڭ العاشقى جارتىسىندا ەلىمىز بويىنشا جاڭا مەحانيزمدى 2600-دەن استام ازامات پايدالانعان. ولاردىڭ باسىم بولىگى - الماتى، استانا قالالارى جانە الماتى، قاراعاندى، تۇركىستان، جامبىل وبلىسىنىڭ تۇرعىندارى.
«جالپى، ساقتاندىرۋ جۇيەسى كوپشىلىك ءۇشىن تيىمدىلىگىن دالەلدەپ وتىر. ويتكەنى، ساقتاندىرىلعان ادام مەديسينالىق قىزمەتتى كەرەگىنشە پايدالانا الادى. ماسەلەن، ءوز بەتىنشە ساقتاندىرىلاتىن ازاماتتار ءبىر جىلدا 36 مىڭ تەڭگە تولەيدى. ءبىراق كورسەتىلەتىن قىزمەت سانى مەن كولەمى بۇل قاراجاتپەن شەكتەلمەيدى»، - دەيدى مسق الماتى فيليالىنىڭ ديرەكتورى تىلەۋحان ابىلدايەۆ.
ءبىر جىلعا ساقتاندىرۋ ستاتۋسىن الۋ ءۇشىن نە ىستەۋ كەرەك؟
ءوزىن-وزى ساقتاندىراتىن ازاماتتاردىڭ اي سايىنعى جارناسى بيىلدان باستاپ 3000 تەڭگەنى قۇرايدى. بۇل – ەڭ تومەنگى جالاقىنىڭ (ەتج) 5 پروسەنتى. مىسالى، وسى ايدا ساقتاندىرۋ ستاتۋسىن الۋ ءۇشىن قازان ايىنان باستاپ كەلەر جىلدىڭ قازانىنا دەيىنگى ارالىق ءۇشىن جارنا تولەنۋى ءتيىس. ءار ايدىڭ جارناسى جەكە-جەكە تولەنەدى. تاعى ءبىر ەسكەرەتىن جايت، 12 ايدىڭ جارناسىن ءبىر تولەممەن اۋدارۋعا بولمايدى. سەبەبى جۇيە ءار ايدى بولەك ەسەپتەيدى.
جارنانى كەز كەلگەن ەكىنشى دەڭگەيدەگى بانك، بانكتەردىڭ ءموبيلدى قوسىمشالارى، تولەم تەرمينالدارى مەن «قازپوشتا» اق فيليالدارى ارقىلى تولەۋگە بولادى.
مارتەبە قاشان پايدا بولادى؟
ەگەر ءمامس جۇيەسىندەگى مەديسينالىق قىزمەتتەردى وسى ايدان باستاپ پايدالانۋ ءۇشىن جارنا اعىمداعى ايدان باستاپ 12 ايعا تولەنەدى. سەبەبى «مىندەتتى الەۋمەتتىك مەديسينالىق ساقتاندىرۋ تۋرالى» زاڭنىڭ 30-بابى، 7-تارماعىنا سايكەس، جۇيەگە قوسىلىپ، ساقتاندىرۋ مارتەبەسىن الۋ ءۇشىن، الدىڭعى نەمەسە سوڭعى 12 اي ءۇشىن جارنا تولەنگەن بولۋى شارت.
مىسال: ءسىز قازان ايىندا جارنالاردى 2022 جىلدىڭ قازانىنان 2023 جىلدىڭ قىركۇيەگىنە دەيىن تولەيسىز. ساقتاندىرۋ مارتەبەسى قازان ايىندا بەرىلەدى جانە ءسىز الداعى ءبىر جىلعا ستاتۋس الاسىز. سونىمەن قاتار، كەيىن جارنا تولەنبەي قالعان جاعدايدا ساقتاندىرىلعان ازاماتتاردىڭ ستاتۋسى سوڭعى تولەمنەن كەيىن تاعى 3 اي بويى ساقتالادى. ءبىراق بۇل بەرەشەكتى وتەۋ مىندەتىنەن بوساتپايدى. جارنا تولەنبەگەن جاعدايدا ءتورتىنشى ايدان باستاپ ازامات ساقتاندىرۋ ستاتۋسىن جوعالتادى.
ەگەر مەديسينالىق كومەككە الداعى ايدان باستاپ جۇگىنبەك بولساڭىز، جارنانى الداعى ايدان باستاپ تولەي الاسىز. تولەمدەر ءۇش كۇن وڭدەلەدى.
ءمامس قانداي مۇمكىندىكتەر بەرەدى؟
ساقتاندىرىلعان ازاماتتار ءمامس پاكەتىنە كىرەتىن مەديسينالىق كومەكتىڭ بارلىق تۇرلەرىن پايدالانا الادى. وعان سالالىق دارىگەرلەردىڭ كونسۋلتاسياسى، ءتۇرلى اناليزدەر مەن دياگنوستيكالىق تەكسەرۋلەر (رەنتگەن، ۋزي، كت، مرت جانە ت.ب.)، اۋرۋحاناعا جاتىپ جوسپارلى ەم الۋ، مەديسينالىق وڭالتۋ، جوعارى تەحنولوگيالىق مەديسينالىق كومەك، سكرينينگتەر كىرەدى.
ستاتۋستى قالاي تەكسەرەمىز؟
تولەمدەرگە قاتىستى بارلىق مالىمەتتى قوردىڭ fms.kz رەسمي سايتى، Qoldau 24/7 ءموبيلدى قوسىمشاسى نەمەسە Telegram ارناسىنداعى SaqtandyrýBot ارقىلى الۋعا بولادى.