ۇلتتىق ادەبي «ايبوز» سىيلىعى تابىستالدى

بيىل ەكىنشى رەت ۇيىمداستىرىلعان بايقاۋ مادەنيەت جانە اقپارات مينيسترلىگىنىڭ قولداۋىمەن ءوتتى

بايقاۋعا ەش جەردە جاريالانباعان 300-دەن اسا شىعارما تۇسكەن، دەپ حابارلايدى اlmaty-akshamy.kz 24.kz-كە سىلتەمە جاساپ.

ادىلدىك پەن اشىقتىقتى قامتاماسىز ەتۋ ءۇشىن بايقاۋدىڭ كوميسسيا مۇشەلەرى ءبىرىن-بىرى بىلگەن جوق. شىعارما اۆتورى دا قۇپيا ساقتالدى، - دەيدى ۇيىمداستىرۋشىلار.«ۇزدىك دراماتۋرگيا» اتالىمىن اقىن يسرايل ساپارباي «ادام اتا، حاۋا انا» شىعارماسى ءۇشىن يەلەندى. ال «ۇزدىك پروزا» قۋاندىق تۇمەنبايعا بۇيىردى.  «ۇزدىك بالالار ادەبيەتى» نوميناسياسىنا سەرىك اسىلبەك ۇلىنىڭ «كونسەرت» شىعارماسى لايىق دەپ تانىلدى. بۇدان بولەك، «ۇزدىك پوەزيا»، «ۇزدىك كوميكس» اتالىمدارى ءوز يەلەرىن تاپتى. بارلىق جەڭىمپازدارعا 5 ميلليون تەڭگەنىڭ سەرتيفيكاتى تابىستالدى.

نۇرجان قۋانتاي ۇلى، قازاقستان جازۋشىلار وداعى ءتوراعاسىنىڭ ورىنباسارى: - ەڭ كوپ تۇسكەن شىعارما نوميناسيا ول پوەزيا مەن پروزا بولدى. ال ەندى ەڭ از تۇسكەن – ول كوميكس. بىزدە بالالار كوميكسى ءالى تولىق دامي قويعان جوق. ەندى ەندى قولعا الىنىپ جاتىر. ءبىراق سونىڭ وزىندە بالالار كوميكسىنىڭ دامۋىنا وسى بايقاۋ ۇلكەن سەرپىن بەرىپ وتىر.

جانات جاڭقاش ۇلى، «ۇزدىك پوەزيا» اتالىمىنىڭ جەڭىمپازى: - بىلتىر وسى «ايبوز» سىيلىعىنىڭ شورت ليستىنا شىققان بولاتىنمىن. ەكىنشى الەم دەگەن پوەماممەن. بيىل، مىنە، وسى جۇلدە «كوزىمنەن ءسۇي، كوبەلەك» اتتى توپتاما ولەڭدەرىمە بۇيىرعان ەكەن. قۋانىشتىمىن. شىعارماشىلىق ادامىنا ودان اسقان باقىت جوق، ەڭبەگىنىڭ باعالانعانىنان.