الماتى اكىمى ەربولات دوسايەۆتىڭ تاپسىرماسى بويىنشا وسى جىلدىڭ قاڭتار ايىندا جاسىل جەلەكتەردى كۇتىپ ۇستاۋ مەن قورعاۋ بويىنشا جاڭا ەرەجە قابىلداندى.
سونىڭ ارقاسىندا 2022 جىلدىڭ باسىمەن سالىستىرعاندا اۆتوسۋارۋمەن قامتۋ 4،4 ەسەگە، ياعني 587 گا-عا دەيىن ۇلعايدى. وتكەن جىلى 132 گا اۋماقتى قامتىعان ەدى.
اۆتوسۋارۋ ءۇشىن 34 سكۆاجينا مەن سۋ قابىلداعىش سالىندى. بۇل تۋرالى الماتى قالاسىنىڭ ەكولوگيا جانە قورشاعان ورتا باسقارماسى حابارلادى.
قالانى كوگالداندىرۋ ءۇشىن جىل باسىنان بەرى 276 مىڭ اعاش پەن بۇتا وتىرعىزىلدى. سانيتارلىق ماقساتتا 2،3 ملن.اعاش وڭدەلىپ، اپاتتى جاعدايداعى 14،5 مىڭ اعاش كەسىلدى.
ناتيجەسىندە 2023 جىلى جاسىل كەڭىستىكتەر ءبىر ادامعا شاققاندا 11،3-تەن 12،3 شارشى مەترگە دەيىن ارتسا، 2024 جىلى ءبىر ادامعا 12،8 شارشى مەترگە دەيىن ۇلعايتۋ جوسپاردا بار.