Instagram الەۋمەتتىك جەلىسىندە قازاقستاندىقتار پسيەۆدوعالىم پەتر گاريايەۆ ۋلترادىبىستىق زەرتتەۋ ادام ءۇشىن ءقاۋىپتى دەپ ايتقان ۆيدەوسىن تالقىلاۋدا. ۋلترادىبىس دنق مولەكۋلاسىنداعى اقپاراتتى وشىرەدى، سوندىقتان جەردە ساۋ بالا جوق ەكەن.
بۇنىڭ انىق-قانىعىن Stopfake.kz زەردەلەپ كوردى، دەپ حابارلايدى aqshamnews.kz.
پەتر گاريايەۆ تولقىندىق گەنەتيكا تەورياسىمەن تانىمال. ونىڭ ايتۋىنشا، دنق-داعى اقپارات تولقىن تۇرىندە ۇسىنىلعان. سونىمەن قاتار، پسيەۆدوعالىم ناقتى قانداي تولقىن تۋرالى ايتىپ وتىرعانىن ءوزى دە بىلمەيدى. الدىمەن ول اكۋستيكالىق تولقىندار تۋرالى جازدى، ودان كەيىن تورسيوندى، وپتيكالىق جانە ت.ب. ايتا باستادى. شىن مانىندە، دنق قۇرىلىمىندا ەشقانداي تولقىندار جوق. (https://www.genome.gov/genetics-glossary/Deoxyribonucleic-Acid) بۇل مولەكۋلاداعى اقپارات امينقىشقىلدارىنىڭ تىزبەگى رەتىندە كودتالعان.
عىلىمي تەوريا تۇرعىسىنان گاريايەۆتىڭ يدەياسى نەگىزسىز جانە دالەلدەرمەن راستالمايدى. ول العان مالىمەتتەردى كۇردەلى ۇعىمدارمەن تۇسىندىرەدى. مىسالى، ول لازەر – دنق، ال دنق – بۇل لازەر دەيدى. بۇل يدەيالار لازەرگە دە، دنق-عا دا قاتىستى قازىرگى عىلىمنىڭ نەگىزگى ەرەجەلەرىنە قايشى كەلەدى. سونىمەن قاتار، ونىڭ تەوريالارىن جوققا شىعارىلمايدى، ويتكەنى مۇنداي ەكسپەريمەنتتەر جۇرگىزۋگە مۇمكىندىك جوق.
پەتر گوريايەۆتىڭ ارىپتەستەرى ونى عىلىمعا قارسى سوزدەرى ءۇشىن ءجيى سىنعا الدى.پسيەۆدو عالىم بىرنەشە رەت «ۆرال قۇرمەتتى اكادەميگى» سىيلىعىنىڭ لاۋرەاتى اتانعان.
ۋلترادىبىستىڭ دنق مولەكۋلالارىنان اقپاراتتى وشىرەتىنى تۋرالى اقپارات جالعان. مۇنداي يدەيالاردى العا تارتقان پەتر گاريايەۆتىڭ تەوريالارى عىلىمعا قارسى دەپ تانىلدى.