ەڭبەك جانە حالىقتى الەۋمەتتىك قورعاۋ مينيسترلىگى ەلىمىزدە ساناتوريالىق-كۋرورتتىق ەمدەۋ قىزمەتىن الۋ ءتارتىبىن ءتۇسىندىردى، دەپ حابارلايدى aqshamnews.kz
مينيسترلىكتىڭ مالىمدەمەسىنە سايكەس، مۇگەدەكتىگى بار ادامدار، ونىڭ ىشىندە مۇگەدەك بالالار دا ابيليتاسيالاۋ مەن وڭالتۋدىڭ جەكە باعدارلامالارى نەگىزىندە ساناتوريالىق-كۋرورتتىق ەمدەۋ قىزمەتىن تەگىن الا الادى. بۇل قىزمەت مەملەكەتتىك بيۋدجەت قاراجاتى ەسەبىنەن جىلىنا ءبىر رەت، 14 كۇنتىزبەلىك تاۋلىكتەن اسپايتىن مەرزىمدە ۇسىنىلادى.
سونداي-اق، مۇگەدەكتىگى بار بالانى ساناتوريالىق-كۋرورتتىق ەمدەۋگە الىپ جۇرەتىن زاڭدى وكىلدەرىنىڭ ءبىرىنىڭ ساناتوريالىق-كۋرورتتىق ۇيىمداعى بولۋ قۇنىنا دا وتەماقى بەرىلەدى. وتەماقى جەرگىلىكتى اتقارۋشى ورگانداردان كەپىلدىك بەرىلگەن سومانىڭ 70% مولشەرىندە قاراستىرىلعان.
ساناتوريالىق-كۋرورتتىق ەمدەۋگە ءوتىنىشتى قالالار مەن اۋدانداردىڭ جۇمىسپەن قامتۋ جانە الەۋمەتتىك باعدارلامالار بولىمدەرىنە بەرۋگە بولادى.