«شوقان ءۋاليحانوۆ» اتىنداعى الاڭدا قازاقتىڭ كورنەكتى ساياسي قايراتكەرى، اعارتۋشى-پەداگوگ احمەت بايتۇرسىن ۇلىنىڭ 150 جىلدىعىنا ارنالعان «ۇلت ۇستازى – احمەت بايتۇرسىن ۇلى وقۋلارى» اتتى ءىس-شارا ءوتتى.
ۇلى قوعام قايراتكەرىنىڭ مەرەيتويلىق جىلىن تويلاۋ اياسىندا جالپى ءبىلىم بەرەتىن مەكتەپتەردىڭ وقۋشىلارى، «جاڭا عاسىر» تەاترىنىڭ ارتىستەرى، عىلىم دوكتورلارى، فيلولوگيا عىلىمى كانديداتتارىنىڭ قاتىسۋىمەن ساحنادا احمەت بايتۇرسىن ۇلىنىڭ شىعارمالارىنان ادەبي قويىلىم ساحنالاندى. سونداي-اق زەرتتەۋشى عالىمدار قۇتتىقتاۋ ءسوز سويلەپ، اۋەلەي شىرقالعان حالىق ءانى «ەكى جيرەندى» تىڭدادى.
ا.بايتۇرسىن ۇلىنىڭ ولەڭدەرى وقىلىپ، "الاتاۋ" ءداستۇرلى ونەر تەاترىنىڭ ءسوليسى «اققۇم» ءانىن ورىندادى.احمەت بايتۇرسىنوۆ – قازاق اقىنى، ادەبيەتتانۋشى، تۇركىتانۋشى، پۋبليسيست، ۇستاز، اۋدارماشى، قوعام قايراتكەرى. قازاق ءتىلى مەن ادەبيەتىنىڭ دامۋىنا ولشەۋسىز ۇلەس قوستى. 20 عاسىردىڭ باسىنداعى الاش وردا قوزعالىسىنىڭ قوعامدىق ءومىرى مەن قىزمەتىنە بەلسەنە قاتىستى. ونىڭ قۇرمەتىنە الماتى قالاسىندا بايتۇرسىن ۇلىنىڭ ءمۇراجاي-ۇيى مەن ەسكەرتكىشى اشىلعان.
شاراعا بەلگىلى تاريحشىلار، الاشتانۋشىلار، فيلولوگتار، سونداي-اق ب ا ق وكىلدەرى قاتىستى.