الماتىدا قازاقستاننىڭ حالىق جازۋشىسى شەرحان مۇرتازانى ەسكە الۋعا ارنالعان بۇقارالىق اقپارات قۇرالدارىنىڭ وكىلدەرى اراسىندا بيلياردتان تۋرنير ءوتتى. ءىس-شارانى وڭىرلىك كوممۋنيكاسيالار قىزمەتى ۇيىمداستىردى. شەرحان مۇرتازا – قازاقستاننىڭ ناعىز حالىق جازۋشىسى. بولاشاق پروزاشى، جۋرناليست جامبىل وبلىسىندا 1932 جىلى 28 قىركۇيەكتە دۇنيەگە كەلگەن. سونىمەن قاتار، ەلگە تانىمال باسىلىمداردىڭ رەداكتورى بولعان، كوپتەگەن جۋرناليستەردى تاربيەلەگەن، پارلامەنت ءماجىلىسىنىڭ دەپۋتاتى بولعان.
ءىس-شاراعا شەرحان مۇرتازانىڭ مۇراگەرلەرى قاتىستى. ولاردىڭ ءارقايسىسى جازۋشىنىڭ جۇمىسى مەن جەتىستىكتەرى تۋرالى جىلى لەبىزىن ايتتى.
ءال-فارابي اتىنداعى قازۇۋ جۋرناليستيكا فاكۋلتەتىنىڭ پروفەسسورى ايازبي بەيسەنقۇلوۆ جازۋشىنى ەسكە الىپ، ونى قازاق ادەبيەتىنىڭ مايتالمانى دەپ اتادى.
«ونىڭ شىعارمالارى اشىق، شىنايى جانە تاڭقالارلىق ومىرلىك. ول وتان تۋرالى، وتباسىنداعى قارىم-قاتىناس، جەرلەستەرىنىڭ ەڭبەك ءومىرى تۋرالى اڭگىمەلەپ بەردى»، - دەپ اتاپ ءوتتى پروفەسسور.
ەسكە سالساق، سپورتتىق مەرەكە الماتى اكىمدىگىنىڭ قوعامدىق دامۋ باسقارماسى مەن وڭىرلىك كوممۋنيكاسيالار قىزمەتىنىڭ قولداۋىمەن ءوتتى.
وسىدان ەكى اپتا بۇرىن وكق ب ا ق اراسىندا فۋتبولدان تۋرنير وتكىزسە، ەندى بيليارد بويىنشا قىزىقتى تۋرنير وتكىزىپ، ارداگەرلەردى دە، جۋرناليستەردى دە بەلسەندى ومىرگە تارتۋدا.
تۋرنير «ديناميكالىق پيراميدا» قاعيداتى بويىنشا دوستىق قارىم-قاتىناستا ءوتتى. بارلىق قاتىسۋشىلار قولىندا ميكروفوندى عانا ەمەس، كييدى دە كاسىبي تۇردە ۇستاي الاتىنىن كورسەتتى. ءار رەداكسياعا ەكى ويىنشى قاتىستى.
بىرنەشە ساعات بويى ەركىن دوستىق جاعدايدا قىزۋ شايقاستار جالعاستى، تۋرنيرگە قاتىسۋشىلاردىڭ قۇمارلىقتارى مەن تاجىريبەلەرى قايناپ، العاشقى ءۇش جۇلدەلى ورىننىڭ ينتريگاسى سوڭىنا دەيىن ساقتالدى.
قورىتىندىلاۋ كەزىندە ورىندار كەلەسىدەي ءبولىندى:
I ورىن ەگەرi "قازاق راديولارى"
II ورىن ەگەرi "الماتى" تەلەكانالى
III ورىن ەگەرi Tengrinews