پرەزيدەنت قاسىم-جومارت توقايەۆتىڭ جولداۋىنا قاتىستى ءوز ويىم، حالىق اراسىندا كوپ ايتىلىپ، ءبىراق ۇكىمەت تاراپىنان بۇعان دەيىن شەشىمىن تاپپاي جۇرگەن وزەكتى ماسەلەلەردىڭ ءتۇيىنى شەشىلەتىن ءسات تۋدى.
مەملەكەت باسشىسى ەلدىڭ ءۇمىتى سانالى دا ءبىلىمدى بولاشاقتا ەكەنىنە ەرەكشە ءمان بەرىپ، بالا تاربيەسىنە جاۋاپتى جاندارعا بەت بۇردى. ۇلتتىق قور ۇلەسىنەن 18 جاسقا تولعان قازاقستان ازاماتتارىنا قاراجات ۇلەستىرۋ – ولاردىڭ ءوز وتانىنا دەگەن سەنىمدى كۇشەيتەتىنى انىق. مەديسينا سالاسىندا دا كوپ ەلەۋلى وزگەرىستەر باستاماسىنا جول اشىلدى. اۋىلدى جەرلەردە دارىگەرلىك امبۋلاتورلىق پۋنكتتەردەن باستاپ ۋنيۆەرسيتەتتىك كلينيكالاردىڭ سالىنۋى – مەديسينالىق كومەكتىڭ قولجەتىمدى ءارى ساپالى بولۋىنا مۇمكىندىك تۋعىزادى.
«بۇگىندە ەلىمىزدەگى 650 ەلدى مەكەندە ەمدەۋ مەكەمەسى جوق. الداعى ەكى جىلدا بۇل اۋىلداردا مەديسينالىق جانە فەلدشەرلىك-اكۋشەرلىك بولىمشەلەر سالىنىپ، قاجەتتى قۇرال-جابدىقپەن تولىق قامتاماسىز ەتىلەدى. وسىلايشا مەملەكەت ءبىر ميلليوننان استام ادامنىڭ العاشقى مەديسينالىق-سانيتارلىق كومەك الۋىنا مۇمكىندىك جاسايدى»، - دەدى پرەزيدەنت. ۇلت ساۋلىعى – ەلدىڭ جارقىن بولاشاعىنىڭ كەپىلى. جولداۋدا كوتەرىلگەن ماسەلەلەر كوپ ۇزاماي جۇزەگە اساتىنىنا سەنەمىن.