رەسپۋبليكانىڭ بارلىق ايماقتارىندا ەگىن جيناۋ ناۋقانى ءجۇرىپ جاتىر.
وسى ۋاقىتقا دەيىن 11 ملن 2 مىڭ توننا استىق باستىرىلدى. ءداندى-داقىلدىڭ ورتاشا ونىمدىلىگى – گەكتارىنا 12 سەنتنەر. بۇل تۋرالى اۋىل شارۋاشىلىعى ۆيسە-مينيسترى ءابىلقايىر تامابەك ايتتى. بيىل اۋىل شارۋاشىلىعى داقىلدارىن جيناۋ الاڭى – 23،4 ملن گەكتار. ونىڭ ىشىندە ءداندى داقىلدار القابى 16 ملن گەكتاردان اسادى. وراق ناۋقانىن ىسكە اسىرۋ ءۇشىن شارۋالارعا جەڭىلدەتىلگەن باعادا ديزەل وتىنى بەرىلىپ جاتىر. ءليترى 203 تەڭگە. سونداي-اق ۆيسە-مينيستر قوستانايداعى ەگىستىك القاپتارى بويىنشا مالىمەت بەردى.
«قوستاناي وبلىسىندا جەرگىلىكتى اكىمدىكتەردىڭ مالىمەتىنە سايكەس، بىردە-بىر اۋىل شارۋاشىلىعى جەرلەرى زارداپ شەككەن جوق. انىقتالعان اقپاراتتىڭ بارلىعى توتەنشە جاعدايلار مينيسترلىگى تاراپىنان تەك قانا ورمان قورى جەرلەرى دەگەن اقپارات بەرۋدە. ەگەر اۋىل شارۋاشىلىعى ەگىستىكتەرى زارداپ شەگەتىن بولسا، تاۋار وندىرۋشىلەرگە زيان كەلسە، وندا توتەنشە جاعداي ەسەبىنەن ەرتەڭگى كۇنى شىعىندارى باعالانىپ، تولىعىمەن وتەلەتىن بولادى»، - دەيدى ق ر اۋىل شارۋاشىلىعى ۆيسە-مينيسترى ءابىلقايىر تامابەك.