بيزنەس «الماتى – ءبىزدىڭ ورتاق ءۇيىمىز» ناۋقانىندا بەلسەندىلىك تانىتتى:
قۇرىلىس، ساۋدا، قوعامدىق تاماقتانۋ سالاسىنىڭ كاسىپكەرلەرى مەن اۆتوديلەرلەر «الماتى – ءبىزدىڭ ورتاق ءۇيىمىز» ناۋقانىنا بەلسەندى قاتىسۋدا. شاراعا BAZIS-A، DOSCAR GROUP، Zeta، Magnumlife، ترس «Moskva»، Pub Dublin، رەستورانى «سكانداليست»، «Çiçek Mangal» مەيرامحانالارى مەن ت.ب اتسالىسىپ، قۇر سوزبەن ەمەس، ىسپەن دالەلدەۋدە.
«ءبىز قالامىزدىڭ اكىمى ەربولات دوسايەۆتىڭ «الماتى – ءبىزدىڭ ورتاق ءۇيىمىز» قوزعالىسىن قۋانا قولدادىق! بۇگىن ءبىزدىڭ كوماندا ساتبايەۆ كوشەسىنەن جوعارى ۇلكەن الماتى (ۇلكەن الماتى) وزەنىنىڭ جاعالاۋىن تازالاۋمەن اينالىستى. ءارقايسىمىز الماتىنى تازا، جارقىن ءارى ادەمى ەتە الامىز!» – دەدى بازيس-ا وكىلى.
كاسىپكەرلەر، ءتۇرلى ۇيىم باسشىلارى مەن ولاردىڭ قىزمەتكەرلەرى قالانى تازا ءارى ادەمى ەتۋ اركىمنىڭ قولىنان كەلەتىنىن سوزبەن ەمەس، ءىس جۇزىندە كورسەتتى.
«بۇل ايدا كوشەلەردى، اۋلالاردى، قوعامدىق كەڭىستىكتى تازالاپ، تاۋ مەن وزەن ارنالارىن تازارتۋعا كۇش سالامىز. سونداي-اق، اعاشتار مەن جاسىل جەلەك وتىرعىزۋ جوسپاردا بار. بارشاڭىزدى وسى قالالىق ءىس-شاراعا قاتىسۋعا شاقىرامىز»، – دەپ اتاپ ءوتتى «Moskva» سوو اكىمشىلىگى.
بەلسەندىلەر تازالىق پەن ءتارتىپ ورناتۋ چەللەندجىن بيزنەستىڭ باسقا وكىلدەرىنە دە جىبەرۋدە.
«الماتى — ءبىزدىڭ ورتاق ءۇيىمىز. قالا ءبىزدىڭ ماقتانىشىمىز ءارى مۇرامىز. سوندىقتان ونى ءارقايسىمىز بولاشاق ۇرپاق ءۇشىن ودان دا جاقسىراق، تازا ءارى جايلى ەتىپ ۇستاۋىمىز كەرەك. ءبىزدىڭ قالامىزدا تازالىق پەن ءتارتىپتى ساقتاۋ بويىنشا وسىنداي ماڭىزدى جانە پايدالى ناۋقانعا قوسىلۋعا شاقىرامىز»، — دەدى Pub Dublin وكىلى.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
«الماتى – ءبىزدىڭ ورتاق ءۇيىمىز» ناۋقانى تۋرالى بارلىق اقپارات اlmaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاستىرىلعان. سونداي-اق، ۆەب-سايتقا قالا بويىنشا باننەرلەردە، پلاكاتتاردا ارنايى ورنالاستىرىلعان QR-كود ارقىلى دا كىرۋگە بولادى.
الەۋمەتتىك مەديا ناۋقانىنىڭ بەلسەندى قاتىسۋشىلارىنا ارنالعان حەشتەگتەر:
#الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.
https://www.instagram.com/reel/C58h3esq2QQ/؟igsh=MXF1c3F2Nmh6OXZpcw==
https://www.instagram.com/reel/C58MPCyr2Zi/؟igsh=dDl0eDEzb3ludXpr
https://www.instagram.com/reel/C58aTUYsdK7/؟igsh=MTlxYmx6MGNzYWw5dQ==
https://www.instagram.com/reel/C571LQci118/؟igsh=Nnd6MGdndWNrc3V5
https://www.instagram.com/reel/C5_HXtptieS/؟utm_source=ig_web_copy_link&igsh=MzRlODBiNWFlZA%3D%3D
https://www.instagram.com/reel/C52yeQHiScr/؟igsh=MjYzaWMzZ3Zmc2Jw
https://www.instagram.com/reel/C5xxe27NgVh/؟igsh=MTdodnBja3d6cmgxMw==
https://www.instagram.com/reel/C5xdk_sIyqo/؟igsh=enlrbXBzeHA4djdu