قازاقستاندا الداعى ءۇش كۇندە 8 گرادۋس اياز بولادى
اركتيكالىق اۋا ماسسالارىنىڭ ەنۋىنەن ەلىمىزدىڭ سولتۇستىك-باتىسىندا، سولتۇستىگىندە، شىعىسىندا اۋا تەمپەراتۋراسى تۇندە 1-8 گرادۋس ايازعا دەيىن تومەندەيدى، دەپ حابارلايدى اlmaty-akshamy.kz.
«قازگيدرومەت» رمك 23-25 ساۋىرگە اۋا رايى بولجامىن جاريالادى.
رەسپۋبليكانىڭ باسىم بولىگىنە وڭتۇستىك سيكلونى جانە ونىمەن بايلانىستى اتموسفەرا فرونتتارى اسەر ەتىپ، نايزاعاي، جاڭبىر كۇتىلەدى.
25 ءساۋىر كۇنى ەلىمىزدىڭ وڭتۇستىگى مەن وڭتۇستىك-شىعىسىندا جاڭبىر قارقىندىلىعى قاتتى بولادى. تەك اپتانىڭ باسىندا انتيسيكلون سىلەمىنىڭ اسەرىنەن ەلىمىزدىڭ سولتۇستىگى مەن شىعىس ايماقتارىندا جاۋىن-شاشىنسىز اۋا رايى ساقتالىپ تۇرادى. رەسپۋبليكا بويىنشا ەكپىندى جەل، وڭتۇستىكتە، وڭتۇستىك-شىعىستا بۇرشاق، داۋىل بولادى دەپ بولجانۋدا.
اركتيكالىق اۋا ماسسالارىنىڭ ەنۋىنەن ەلىمىزدىڭ سولتۇستىك-باتىسىندا، سولتۇستىگىندە، شىعىسىندا اۋا تەمپەراتۋراسى تۇندە 1-8 گرادۋس ايازعا دەيىن، ال كۇندىز 3-13 گرادۋس جىلىعا دەيىن تومەندەيدى، ورتالىقتا تۇندە 0-5 ايازعا دەيىن، كۇندىز 5-15 جىلىعا دەيىن تومەندەۋى كۇتىلەدى.