بۇگىندە كۇرە جولدىڭ قۇرىلىسى اياقتالعان.
ۇلكەن الماتى اينالما تاسجولى ماۋسىمدا پايدالانۋعا بەرىلەدى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ وكىلى ايتتى، دەپ حابارلايدى اlmaty-akshamy.kz Almaty.tv سىلتەمە جاساپ.
بۇگىندە كۇرە جولدىڭ قۇرىلىسى اياقتالعان. جوسپار بويىنشا 2024 جىلى قولدانىسقا بەرىلۋى كەرەك بولعان تاس جول مەرزىمىنەن بۇرىن ىسكە قوسىلماق. باكاد قۇرىلىسى 2020 جىلى باستالعان بولاتىن. ايتا كەتەيىك، بۇعان دەيىن جول ءساۋىر ايىندا تولىق اشىلادى دەگەن قاۋەسەت تاراعان ەدى.
«ۇلكەن الماتى اينالما جولىن بيىلعى جىلدىڭ ماۋسىم ايىندا بەرۋىمىز كەرەك. جول اقىلى بولادى. قازىرگى ۋاقىتتا جولدىڭ قۇرىلىس جۇمىستارى تولىق بىتكەن. ءقازىر تەك قانا بەزەندىرۋ جۇمىستارى قالدى»، – دەدى ق ر يندۋستريا جانە ينفراقۇرىلىمدىق دامۋ مينيسترلىگى كوميتەت ءتوراعاسىنىڭ ورىنباسارى جامبىل باقتيار.