ەرتەڭ ءبىرقاتار وڭىرلەردە اۋا رايى قولايسىز بولادى

سينوپتيكتەر قازاقستاننىڭ باسىم وڭىرىندە ەسكەرتۋ جاريالادى.

«قازگيدرومەت» رمك 8 ساۋىردە اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالادى، دەپ حابارلايدى اlmaty-akshamy.kz.

تۇندە جانە تاڭەرتەڭ ماڭعىستاۋ وبلىسىنىڭ باتىسىندا، وڭتۇستىگى مەن ورتالىعىندا نايزاعاي كۇتىلەدى. تاڭەرتەڭ جانە كۇندىز وبلىستىڭ باتىسىندا تۇمان بولادى.

اقتوبە وبلىسىنىڭ شىعىسى مەن ورتالىعىندا سولتۇستىك-شىعىستان جەل سوعادى، ەكپىنى 15-20 م/س قۇرايدى.

اقمولا وبلىسىنىڭ سولتۇستىگى مەن شىعىسىن تۇمان باسادى.

باتىس قازاقستان وبلىسىندا جەل سولتۇستىك-شىعىستان، شىعىستان سوعادى، كۇندىز ءوڭىردىڭ سولتۇستىگى مەن شىعىسىندا جىلدامدىعى 15-20 م/س قۇرايدى.

تۇندە الماتى وبلىسىنىڭ وڭتۇستىگىندە، شىعىسى مەن تاۋلى اۋداندارىندا كەي ۋاقىتتا قاتتى جاۋىن-شاشىن (جاڭبىر، قار) كۇتىلەدى. ءوڭىردىڭ وڭتۇستىگىندە، شىعىسىندا، تاۋلى اۋداندارىندا ەكپىنى 17-22 م/س قۇرايدى.

تۇندە جانە تاڭەرتەڭ اتىراۋ وبلىسىنىڭ باتىسى مەن وڭتۇستىگىندە تۇمان بولىپ، كۇندىز ءوڭىردىڭ باتىسىندا، وڭتۇستىگى مەن شىعىسىندا نايزاعاي بولجانادى. شىعىستان، سولتۇستىك-شىعىستان جەل سوعادى، وبلىستىڭ سولتۇستىگىندە ەكپىنى 15-20 م/س قۇرايدى.

كۇندىز قىزىلوردا وبلىسىنىڭ سولتۇستىگى مەن ورتالىعىندا نايزاعاي ويناپ، سولتۇستىك-شىعىستان جەل سوعادى، كۇشى 15-20 م/س قۇرايدى.

تۇندە جانە تاڭەرتەڭ سولتۇستىك قازاقستان وبلىسىنىڭ سولتۇستىگىندە تۇمان كۇتىلەدى. سولتۇستىك-باتىستان، باتىستان جەل سوعادى، تۇندە ءوڭىردىڭ وڭتۇستىك-باتىسىندا، كۇندىز سولتۇستىگىندە ەكپىنى 15-20 م/س قۇرايدى.

تۇندە جەتىسۋ وبلىسىنىڭ تاۋلى اۋداندارىندا قاتتى جاۋىن-شاشىن (جاڭبىر، قار) كۇتىلەدى. وبلىستىڭ وڭتۇستىگىندە، شىعىسى مەن تاۋلى اۋداندارىندا سولتۇستىك-شىعىستان جەل سوعادى، كۇشى 25 م/س جەتەدى.

قوستاناي وبلىسىنىڭ سولتۇستىگى مەن شىعىسىندا تۇمان بولجانادى. سولتۇستىك-شىعىستان جەل سوعادى، وبلىستىڭ وڭتۇستىگىندە ەكپىنى 15-20 م/س قۇرايدى.

كۇندىز جامبىل وبلىسىنىڭ تاۋلى اۋداندارىندا قاتتى جاڭبىر جاۋادى. 8-9 ساۋىردە وبلىستىڭ وڭتۇستىگىندە، تاۋلى اۋداندارىندا نايزاعاي، 8 ساۋىردە بۇرشاق كۇتىلەدى. جەلدىڭ جىلدامدىعى - 15-20 م/س.