اينالما جول بويىندا ديناميكالىق ولشەۋ جۇيەسى (WIM) قولدانىلاتىن بولادى.
رەسپۋبليكالىق ماڭىزى بار جول قۇرىلىسى نىساندارىن تەكسەرۋ اياسىندا ق ر يندۋستريا جانە ينفراقۇرىلىمدىق دامۋ ۆيسە-مينيسترى الماز ىدىرىسوۆ ۇلكەن الماتى اينالما جولىنا باردى، دەپ حابارلايدى Almaty-akshamy.kz.
I ا تەحنيكالىق ساناتتاعى اۆتوجولدىڭ جالپى ۇزىندىعى 66 شاقىرىمدى قۇرايدى. ءۇاااج جوباسىن «السيم الاركو-ماكيول – سك ەكوپلان – كورەيا ەكسپرەسسۆەي» تۇرىك-كورەي كونسورسيۋمى جۇزەگە اسىرۋدا.
«ءبىرىنشى كەزەكتە، ءۇاااج قۇرىلىسىنىڭ ماقساتى قالا كوشەلەرىن ترانزيتتىك كولىكتەن ءتۇسىرۋ بولىپ تابىلادى. ونى جوبالاۋ كەزىندە، البەتتە، الماتىلىقتاردىڭ پىكىرى ەسكەرىلدى. ءۇاااج ازاماتتارعا ىڭعايلى بولۋ ءۇشىن سالىنۋدا. قازىرگى ۋاقىتتا بارلىق ۇزىندىقتا تولىق اۋقىمدى جۇمىستار جۇرگىزىلىپ جاتىر. جۇمىستاردى ۋاقىتىلى جانە ساپالى ورىنداۋ ءبىزدىڭ مينيسترلىكتىڭ ەرەكشە باقىلاۋىندا»، - دەپ اتاپ ءوتتى ۆيسە-مينيستر.
جۇمىس ساپارى بارىسىندا الماز ىدىرىسوۆ الماتى وبلىسى اكىمىنىڭ ءبىرىنشى ورىنباسارى لاززات تۇرلاشوۆقا ءبىرقاتار تاپسىرما بەرىپ، جەرگىلىكتى ماڭىزى بار جولدار جەلىسى ءۇشىن جاۋاپكەرشىلىك اكىمدىكتىڭ موينىندا ەكەنىن ەسكە سالدى. ق ر ييدم ۆيسە-مينيسترى اعىمداعى جىلدىڭ سوڭىنا دەيىن نەگىزگى جۇمىستاردى اياقتاۋ ماقساتىندا قۇرىلىستىڭ جوعارى قارقىنىن ساقتاۋدىڭ ماڭىزدىلىعىن اتاپ ءوتتى.
ايتا كەتەرلىگى، اينالما جول بويىندا ديناميكالىق ولشەۋ جۇيەسى (WIM) قولدانىلاتىن بولادى. اتالعان تەحنولوگيا كولىكتىڭ سالماعى مەن ولشەمدەرىن تولىق توقتاۋسىز ولشەۋگە مۇمكىندىك بەرەدى. ءۇاااج نەگىزگى پايدالانۋشىلارى اۋىر سالماقتى ترانزيتتىك كولىك قۇرالدارى بولاتىندىعىن نازارعا الا وتىرىپ، اۆتوماتتاندىرىلعان ولشەۋ جۇيەسىن ەنگىزۋ اۆتوجولدى پايدالانۋ مەرزىمىن ايتارلىقتاي ۇلعايتۋعا مۇمكىندىك بەرمەك.
قازىرگى ۋاقىتتا قۇرىلىس نىسانىندا 1652 ادام مەن تەحنيكانىڭ 541 بىرلىگى جۇمىلدىرىلعان. 51 شاقىرىمدا جەر جۇمىستارى ورىندالدى، 52 شاقىرىمدا تومەنگى قابات توسەلىپ، 10 شاقىرىمدا قيىرشىق تاستى-ماستيكالىق اسفالتبەتون جابىنىنان جوعارعى قابات سالىندى.
بۇل جوبادا قيىرشىق تاستى-ماستيكالىق اسفالت ونىڭ ونىمدىلىگى مەن توزۋعا توزىمدىلىگىنە بايلانىستى قولدانىلۋدا. الەمدىك تاجىريبەدە ول قوزعالىس قارقىنى جوعارى جولداردا بەرىك جول جامىلعىسى رەتىندە قولدانىلادى. سونىمەن قاتار، ول، اسىرەسە، جازدىڭ ىستىق مەزگىلىندە، جولتاباندارعا قارسى ءوزىنىڭ تيىمدىلىگىن دالەلدەدى.
بۇدان بولەك، كوپىرلەر سالۋ جۇمىستارى 96%-عا ورىندالدى. ەلەكترمەن جانە گازبەن جابدىقتاۋ جەلىلەرىنىڭ 179 داناسى شىعارىلدى. سونداي-اق، 106 سۋ وتكىزۋ قۇبىرى سالىندى.
مامانداردىڭ ەسەپتەۋىنشە، ۇلكەن الماتى اينالما جولىنىڭ قۇرىلىسى مەگاپوليس كوشەلەرىن 60%-عا جەڭىلدەتىپ، ەكولوگيالىق جاعدايدى جاقسارتپاق. شارتتىڭ تالاپتارىنا سايكەس جۇمىستاردى اياقتاۋ مەرزىمى 2023 جىلعا كوزدەلگەن.