ءبىر جىلدا 5 رەتتەن كوپ ەرەجە بۇزعان جۇرگىزۋشىلەرگە جول قوزعالىسى ەرەجەلەرىن بۇزعانى ءۇشىن 50 پايىزدىق جەڭىلدىكپەن ايىپپۇل تولەۋگە تىيىم سالۋ جوسپارى بار.
بۇل تۋرالى اكىمشىلىك پوليسيا كوميتەتى ءتوراعاسىنىڭ ورىنباسارى جاندوس مۇراتالييەۆ ءمالىم ەتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
ايتا كەتەيىك، ەلىمىزدە 2015 جىلدان باستاپ ايىپپۇل تولەۋگە 50 پايىزدىق جەڭىلدىك ەنگىزىلگەن. جەڭىلدىك بەينەباقىلاۋ كامەرالارى تۇسىرگەن زاڭ بۇزۋشىلارعا قولدانىلماعان بولاتىن.
«ءقازىر ىشكى ىستەر مينيسترلىگى جول قوزعالىسى ەرەجەسىن بۇزعانى ءۇشىن ءبىر جىل ىشىندە بەستەن اسا اكىمشىلىك قۇقىقبۇزۋشىلىق جاساعان تۇلعالارعا 50 پايىزدىق جەڭىلدىكپەن ايىپپۇل تولەۋ مۇمكىندىگىن الىپ تاستاۋعا تۇزەتۋلەر ەنگىزىپ جاتىر»، - دەدى مۇراتالييەۆ ءىىم بريفينگىندە.