جالپى سانى التى جولاق بولاتىن اقىلى اۆتوموبيل تراسساسىندا ساعاتىنا 120 شاقىرىممەن جۇرۋگە رۇقسات ەتىلگەن.
الماتىنىڭ وڭىرلىك كوممۋنيكاسيالار قىزمەتىنىڭ الاڭىندا قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتى باسشىلىعىنىڭ قاتىسۋىمەن بريفينگ ءوتتى، دەپ حابارلايدى Almaty-akshamy.kz
يندۋستريا جانە ينفراقۇرىلىمدىق دامۋ مينيسترلىگىنىڭ اۆتوموبيل جولدارى كوميتەتى ءتوراعاسىنىڭ ورىنباسارى جامبىل باقتيار حابارلاعانداي، اعىمداعى جىلدىڭ ەكىنشى جارتىجىلدىعىندا ۇلكەن الماتى اينالما اۆتوموبيل جولىن (ءۇاااج) پايدالانۋعا بەرۋ جوسپارلانۋدا. ۇزىندىعى 66 شاقىرىمعا سوزىلعان ءۇش جولاقتى I-ا ساناتتى جول، قاراما-قارسى باعىتتا دا سولاي قاراستىرىلعان. جالپى سانى التى جولاق بولاتىن اقىلى اۆتوموبيل تراسساسىندا ساعاتىنا 120 شاقىرىممەن جۇرۋگە رۇقسات ەتىلگەن.
"ءۇاااج-ىندا اقى الۋدىڭ اشىق جۇيەسى قاراستىرىلعان. ياعني، بۇل جۇيە اينالما جولدا شىعار كەزدە جانە كىرەبەرىسىندە شلاگباۋم قويۋدى قاجەت ەتپەيدى"، - دەدى ول.
ايتا كەتەيىك، ۇلكەن الماتى اينالما اۆتوموبيل جوباسى كونسەسسيا مەحانيزمىنە سايكەس جۇزەگە اسىرىلۋدا. بۇل دەگەنىمىز، ءبىر تاراپ ەكىنشى تاراپقا وبەكتىلەردى پايدالانۋ نەمەسە سالۋ قۇقىعىن بەرەتىن كەلىسىم. كونسەسسيا ادەتتە مەملەكەتتەر مەن كومپانيالار اراسىندا جاسالادى جانە بەلگىلى ءبىر شارتتار مەن مەرزىمدەرگە يە.
كونسەسسيونەردىڭ پايدالانۋ مەرزىمى - 15 جىل.
كونسەسسيونەر «ءۇاااج ينۆەستيسيالار جانە وپەراسيالار» ج ش س بولىپ تابىلادى، ونىڭ قۇرىلتايشىلارى «السيم الاركو-ماكيول – سك ەكوپلانت – كورەيا ەكسپرەسسۆەي» تۇرىك – كورەي كونسورسيۋمى بولىپ تابىلادى.
جامبىل باقتيار جوبانىڭ قولايلىعى مەن ارتىقشىلىقتارىن اتاپ ءوتتى:
- الماتىدا جانە قالا ماڭىنداعى كەپتەلىستەردى ازايتۋ: ءۇاااج نەگىزگى ماگيسترالداردى بوساتۋ جانە جول جەلىسىنىڭ وتكىزۋ قابىلەتىن جاقسارتۋ ارقىلى الماتى قالاسىنداعى كولىك اعىنىن قىسقارتۋعا مۇمكىندىك بەرەدى. بۇل ءوز كەزەگىندە كەپتەلىستەردى ازايتىپ، جەرگىلىكتى تۇرعىندار مەن قالا قوناقتارى ءۇشىن كولىك قولجەتىمدىلىگىن جاقسارتادى.
- جول ءجۇرۋ ۋاقىتىن قىسقارتۋ: ءۇاااج قالانى اينالىپ ءوتۋ ۋاقىتىن قىسقارتۋعا مۇمكىندىك بەرەتىن كەپتەلىسى از بالاما مارشرۋتىن ۇسىنادى. سونداي-اق، اۋىر جۇك كولىكتەرى جۇكتەردى تاسىمالداۋ كەزىندە ۋاقىتىن ۇنەمدەپ، جۇمىس تيىمدىلىگىن ارتتىرا الادى.
- ەكولوگيالىق ارتىقشىلىقتار: كولىك اعىنىن الماتى قالاسىنان تىسقارى جەرلەرگە كوشىرۋ ارقىلى ءۇاااج اتموسفەراعا زياندى شىعارىندىلاردىڭ مولشەرىن ازايتىپ، قالا مەن ونىڭ توڭىرەگىندەگى ەكولوگيالىق جاعدايعا وڭ اسەرىن تيگىزبەك.
«باكاد ينۆەستيسيي ي وپەراسيي» ءجشس-نىڭ پايدالانۋ جانە تەحنيكالىق قىزمەت كورسەتۋ ءبولىمىنىڭ باسشىسى نۇرلانبەك ومىربايەۆ ءۇاااج قۇرىلىسى بارىسىندا جوعارى ساپالى جابىنعا قول جەتكىزۋ ءۇشىن اسفالتوبەتون توسەۋدىڭ زاماناۋي تەحنولوگيالارى مەن ادىستەرى قولدانىلاتىنىن اتاپ ءوتتى. ساپانى باقىلاۋ قۇرىلىستىڭ ءارتۇرلى كەزەڭدەرىندە جۇزەگە اسىرىلدى، ونىڭ ىشىندە ماتەريالداردى ىرىكتەۋ، جولدىڭ نەگىزىن دايىنداۋ جانە اسفالتوبەتون توسەۋ كىرەدى.
"جول قۇرىلىسىنا جوعارعى ساپالى ماتەريالدار مەن جۇك كولىكتەرىنىڭ سالماعىن ەش قيىندىقسىز كوتەرە الاتىن اسفالت جابىندىلارى قولدانىلدى. بۇل اۆتوموبيلدەردىڭ توزۋىن ازايتۋعا جانە ولاردى وڭاي باسقارۋىنا كومەكتەسەدى."، - دەدى وكق سپيكەرى.
بۇل اۆتوموبيلدەردىڭ توزۋىن ازايتۋعا جانە ولاردى وڭاي باسقارۋىنا كومەكتەسەدى. سونىمەن قاتار، جابىن تەمپەراتۋرانىڭ وزگەرۋىمەن جانە ىلعالدىڭ اسەرىمەن جاقسى جۇمىس ىستەيدى، بۇل جولدىڭ ءارتۇرلى كليماتتىق جاعدايلاردا تۇراقتى جانە ءقاۋىپسىز جۇرۋىنە مۇمكىندىك بەرەدى.
مينيسترلىك وكىلدەرى قارقىندى قوزعالىستى ەسكەرە وتىرىپ، جابىننىڭ جوعارعى قاباتى موديفيكاسيالانعان بيتۋم پوليمەرىن قولدانا وتىرىپ، قيىرشىق تاستى-ماستيكالىق اسفالتوبەتوننان تۇرادى. جول جۇك كولىكتەرىنىڭ وتۋىنە بايلانىستى جوعارى جۇكتەمەلەردى ەسكەرە وتىرىپ جاسالعان.