تىيىم سالىنعان جانە تاسىمالداۋعا شەكتەۋ قويىلعان تاۋارلار ءجىتى باقىلانادى.
مەملەكەتتىك كىرىستەر كوميتەتىنىڭ حابارلاۋىنشا، بۇل دارىلىك پرەپاراتتار سالماعى 92،5 كگ 2923 پاكەت مولشەرىندەگى بيولوگيالىق بەلسەندى قوسپا رەتىندە مالىمدەلگەن.
«سونىمەن قاتار كەدەندىك ساراپتامانىڭ ناتيجەسىندە مالىمدەلگەن بيولوگيالىق بەلسەندى قوسپالار تابلەتكالار مەن امپۋلالار تۇرىندە ورالعان، ق ر اۋماعىندا ەكسپورتى مەن يمپورتى شەكتەۋلى سانالاتىن كۇشتى انابوليكالىق ستەرويدتەر ەكەنى انىقتالدى»، - دەلىنگەن حابارلامادا.
وسى فاكتى بويىنشا ماتەريالدار ءىس جۇرگىزۋ شەشىمىن قابىلداۋ ءۇشىن الماتى قالاسى بويىنشا ەكونوميكالىق تەرگەۋ دەپارتامەنتىنە جىبەرىلدى.
الماتى قالاسى بويىنشا مەملەكەتتىك كىرىستەر دەپارتامەنتى تىيىم سالىنعان جانە تاسىمالداۋى شەكتەلگەن تاۋارلاردىڭ، ونىڭ ىشىندە اسكەري جانە قوسارلى ماقساتتاعى تاۋارلاردىڭ وتكىزىلۋىنە تۇراقتى نەگىزدە باقىلاۋ جۇرگىزەتىنىن ەسكە سالادى.