بۇگىندە قازاقستاننىڭ باستاپقى تۇرعىن ءۇي نارىعىندا قۇرىلىس كومپانيالارى ازاماتتارعا ۇلەسكەر اتانۋ ارقىلى پاتەر ساتىپ الۋدى ءجيى ۇسىنادى. دەگەنمەن، بۇل جەردە كوپتەگەن ماسەلە بار: كەيدە ۇلەسكەرلەر ءوز قۇقىقتارىن بىلمەگەندىكتەن الدانىپ، جاڭىلىسىپ جاتادى. سوندىقتان ىقتيمال تاۋەكەلدەردى جويۋ ءۇشىن بولاشاق ساتىپ الۋشىلارعا قۇرىلىس كومپانيالارىنا قويىلاتىن نەگىزگى تالاپتاردى ءبىلۋ ماڭىزدى.
كەيبىر كومپانيالار بولاشاق ۇلەسكەرلەرگە برونداۋ شارتىن، الدىن الا ساتىپ الۋ-ساتۋ، ينۆەستيسيالاۋ جانە باسقا دا ۇقساس قۇجاتتارعا قول قويۋدى ۇسىنادى. ءبىراق، سودان كەيىن ولار دەرەۋ تولەم جاساۋدى تالاپ ەتەدى. ال، بولاشاق ساتىپ الۋشىلار كوبىنەسە قۇرىلىس ۇيىمدارى تاراپىنان مۇنداي شارتتارمەن كەلىسەدى، ويتكەنى ولاردى تۇرعىن ءۇيدىڭ سالىستىرمالى تۇردە تومەن باعاسى قىزىقتىرادى.
ەستەرىڭىزگە سالساق، قازاقستاندا قۇرىلىس ساتىسىندا تۇرعىن ءۇيدى ساتۋعا بەكىتىلگەن ستاندارتتى نىسانداعى ۇلەستىك قاتىسۋ شارتىن جاساۋ ارقىلى عانا رۇقسات ەتىلگەن.
ءوز كەزەگىندە مۇنداي كەلىسىمشارتتى جاساۋ جانە زاڭعا سايكەس ۇلەسكەرلەردىڭ قاراجاتىن تارتۋ قۇرىلىس سالۋشىدا جەرگىلىكتى اكىمدىكتىڭ ءتيىستى رۇقساتى نەمەسە «قازاقستان تۇرعىن ءۇي كومپانياسى» اق (قجك) كەپىلدىگى بولعان جاعدايدا عانا مۇمكىن بولادى. ال قۇرىلىس سالۋشى بۇل قۇجاتتاردى بولاشاق اكسيونەرگە ۇسىنۋعا مىندەتتى.
ازاماتتار قاي قۇرىلىس كومپانياسى ۇلەسكەرلىكتى ۇسىنا الاتىنى جايلى قوسىمشا اقپاراتتى «اباي وبلىسىنىڭ باقىلاۋ باسقارماسى (مسقب، ەڭبەك ينسپەكسياسى)» مم-نەن سەمەي قالاسى، پوسماكوۆا كوشەسى، 104 ءۇي نەمەسە 8 (7222) 38-00-53، 8 (7222) 38-00-54 ءنومىرى (instagram: baqylau_basqarmasy) ارقىلى بىلە الاسىزدار.