جاڭارتىلعان مازمۇندا ءبىلىم بەرۋ جۇيەسى-وقۋشىنىڭ وزدىگىنەن دامۋىنا، ءوزىن-وزى جەتىلدىرۋىنە ىقپالىن تيگىزەتىن باعدارلاما. بالالاردىڭ ءبىلىم الۋىنا قولايلى ورتا ءتۋعىزۋ-مۇعالىم شەبەرلىگىنىڭ كورىنىسى. ءمۇعالىم ۇنەمى ىزدەنىستە بولعان جاعدايدا جاڭالىققا تولى يننوۆاسيالى، سان ءتۇرلى بەلسەندى وقىتۋدىڭ ادىس-تاسىلدەرىن مەڭگەرە الادى. بۇگىنگىنىڭ تالابى وقىتۋشى جاڭالىققا جانى قۇمار بولۋ كەرەك دەگەن ءسوز.
الماتى قالاسى، جەتىسۋ اۋدانىنا قاراستى №177 جالپى ءبىلىم بەرەتىن مەكتەپتە قۇزىرەتتىلىك ورتالىعىنىڭ «پەداگوگيكالىق شەبەرلىك» باعىتى بويىنشا «جاڭا يننوۆاسيالىق ادىس-تاسىلدەر ارقىلى پەداگوگتىڭ كاسىبي شەبەرلىگىن شىڭداۋ» اتتى تاقىرىپتا قازاقستان رەسپۋبليكاسىنىڭ ءبىلىم جانە عىلىم مينيسترلىگىنىڭ بۇيرىعىمەن بەكىتىلگەن «جول كارتاسى» بويىنشا اۋدان كولەمىندە جەتەكشى مەكتەپ دەپ تانىلىپ، وسى باعىتتا العاشقى جۇمىس جوسپارى جۇزەگە اسىرىلىپ، اۋداندىق سەمينار وتكىزىلدى.
مەكتەپتەردەگى كاسىبي بايقاۋلاردىڭ جەڭىمپازدارى مەن وزىق تاجىريبەلى ۇستازداردىڭ ىس-تاجىريبەسىن تاراتا وتىرىپ، باسقا مۇعالىمدەردىڭ قوسىمشا ءوز بىلىمدەرىن تولىقتىرۋىنا جاعداي جاساۋ، شەبەر، كرەاتيۆتى مۇعالىمدەر توبىنان شىعارماشىلىق توپ قۇرۋ، تاجىريبە الماسا وتىرىپ، باسقا دا مۇعالىمدەردىڭ تالاپقا ساي، يننوۆاسيالى وقۋ ۇدەرىسىن مەڭگەرگەن وقىتۋشىلار قاۋىمىن قۇرۋ، بىرلەسە جۇمىس جاساۋ ماقساتىنداعى سەمينار بولدى. اۋدان كولەمىندە جەتەكشى مەكتەپ دەپ تانىلعان شىعارماشىلىق توپتىڭ نەگىزىگى مىندەتتەرى - شىعارماشىلىق توپ قۇرۋ، تاجىريبە تاراتۋ، ءتۇرلى بايقاۋلاردىڭ جەڭىمپازى بولۋ، باسقا مەكتەپتەرمەن بىرلەسە جۇمىس جاساۋ جانە كاسىبي شەبەرلىكتى ارتتىرۋ باعىتىندا بولىپ، العاشقى جۇمىس جوسپارى جۇزەگە اسىرىلۋى جوعارى دەڭگەيدە ءوتتى.
سەميناردىڭ اشىلۋى “مەكتەپ - ءبىلىمنىڭ باستاۋى” اتتى مەكتەپ جايلى بەينەروليكتى كورۋدەن باستالىپ، مەكتەبىمىزدىڭ مەرەيىن ۇستەم ەتەتىن ۇستازدارىمىزدىڭ كاسىبي جەتىستىكتەرى ايتىلدى. سەمينارعا اۋداننان سەكسەنگە جۋىق مۇعالىمدەر كەلىپ، مەكتەپتىڭ تاجىريبەلى مۇعالىمدەرىنىڭ سەمينار-كوۋچينگ ساباقتارىنا قاتىسىپ، سەميناردان العان كەرەمەت اسەرلەرىمەن ءبولىسىپ، پىكىرلەرىن ءبىلدىردى. مەكتەپ ديرەكتورى تاناتوۆ تۇرسىن تانات ۇلى: «بۇل جوبا كاسىبي ۇستازداردىڭ باسىن قوساتىن، كونكۋرستاردىڭ جەڭىمپازى بولۋعا ، ءوزىنىڭ تاجىريبەسىن تاراتا بىلەتىن، ءوز جاڭالىعىمەن بولىسەتىن مۇمكىندىك بەرىپ ءتۇر. اۋدانارالىق مۇعالىمدەر بىر-بىرىمەن تاجىريبە الماسىپ، كوكەيلەرىندە تۇنىپ تۇرعان جاڭاشىلدىقتارىمەن بولىسەتىن باعىتتاعى جۇمىستىڭ باستاماسى»،-دەپ بۇل جوبانىڭ ماقسات، مىندەتتەرىمەن تانىستىرىپ، مەكتەپ جايلى ءبىراز اقپاراتتارعا توقتالىپ، كەشەندى جۇمىس جۇرگىزىلىپ جاتقاندىعىن ايتتى.
مەكتەپتىڭ ماقتانىشى بولاتىن، جەتىستىكتەرمەن تانىستىرىپ، قوناق بولىپ كەلگەن ارىپتەستەر تورتكە ءبولىنىپ، ءتۇرلى ساباقتارعا قاتىستى. ساباقتار تومەندەگىدەي تاقىرىپتاردا جۇرگىزىلدى. سەميناردا «بىزبەن بىرگە برەند ۇستاز بول» اتتى تاقىرىپتا ماتەماتيكا ءپانىنىڭ ءمۇعالىمى اديلبەكوۆ الماز مۋراتوۆيچ، فيزيكا ءپانىنىڭ ءمۇعالىمى ءابدىراسىل سايان جاقىپ ۇلى، تاريح ءپانىنىڭ ءمۇعالىمى سەيسەنبەك باۋىرجان بەكبولات ۇلى ءوز تاجىريبەلەرىمەن ءبولىستى. قازىرگى كۇندە ءمۇعالىم ماماندىعى تاپتىرماس ماماندىق بولۋىمەن قاتار، ونىڭ برەندكە اينالۋىنا ءوزى سەبەپشى بولا الاتىندىعىن، يننوۆاسيالى ءتۇرلى پلاتفورمالاردى ءتيىمدى پايدالانا وتىرىپ، پانگە دەگەن قىزىعۋشىلىقتى ارتتىرىپ، ءمۇعالىم جۇمىسىن تيتتەي دە بولسا جەڭىلدەتۋگە جاعداي جاساۋ جولىن قاراستىردى.
«وقۋشىلاردىڭ فۋنكسيونالدى ساۋاتتىلىعىن دامىتۋدا يننوۆاسيالىق ادىس-تاسىلدەردىڭ تيىمدىلىگى» دەگەن تاقىرىپتا باستاۋىش سىنىپ مۇعالىمدەرى - جۋمايەۆا نۋرگۋل ورازوۆنا مەن بايتۋلەيەۆا ناعيما مادياربەك قىزى، وقۋ، ماتەماتيكالىق جانە جاراتىلىستانۋ ساۋاتتىلىعى بويىنشا وقۋشى ءبىلىمىن ارتتىرۋعا بايلانىستى وقىتۋدىڭ بەلسەندى ءادىس تاسىلدەرىن سيفرلى جانە VR، AR بەينەلەردى كورسەتۋ ارقىلى شىنايىلىقتى كورۋگە جەتەلەيتىن تاپسىرمالار مەن دايەكتى اقپارات بەردى.
«ۇلتتىق قۇندىلىقتاردى وقىتۋ داعدىسىندا قولدانۋدىڭ ءتيىمدى جولدارى» اتتى تاقىرىپتا اعىلشىن ءتىلى ءپانى مۇعالىمدەرى - يگيليكوۆا نۋرسۋلۋ زەينەگابىلوۆنا مەن كاريموۆا مەرۋەرت كادرتايەۆنا، قازىرگى كۇندە وزەكتى بولىپ وتىرعان ۇلتتىق قۇندىلىق ماسەلەسىن كەز كەلگەن بىلىممەن ۇشتاستىرۋعا بولاتىندىعىن ءار ءتۇرلى تاسىلدەر ارقىلى كورسەتتى.
«وقۋشىلاردى 4ك داعدىلارىن دامىتۋدىڭ ءتيىمدى ادىستەرى» اتتى تاقىرىپتا قازاق ءتىلى مەن ادەبيەتى ءپانى مۇعالىمدەرى - ساكەيەۆا گۋلحان جامانبايەۆنا مەن كۋرىمبايەۆا جانار تەميرحانوۆنا وقۋشىنىڭ جان-جاقتى قابىلەتى مەن دارىندىلىعىن اشۋدا كرەاتيۆتى، قارىم –قاتىناسقا تۇسە الىپ ءوز ويىن بىلدىرە الاتىن، توپتىق تا، جۇپتىق تا جۇمىس جاساي بىلەتىن وقۋشىنى قالىپتاستىرۋدىڭ ءتيىمدى جانە قۇندى تاجىريبەلەرىمەن ءبولىستى
«ءمۇعالىمنىڭ كاسىبي برەندى جانە پەداگوگيكالىق قىزمەتتىڭ ساتتىلىك اتموسفەراسىن قۇرۋ جولدارى» اتتى تاقىرىپتا اديلبەكوۆ الماز مۋراتبەكوۆيچ، ءابدىراسىل سايان جاقىپ ۇلى جانە جانابايەۆا مادينا اسكاربەكوۆنالار كاسىبي شەبەرلىكتەرىن كورسەتتى. قازىرگى تاڭدا سيفرلى مادەنيەتكە بايلانىستى ءتۇرلى پلاتفورماعا ءبىر مەزەتتە تىركەپ، تاپسىرمالار جاساپ، ءمۇعالىم اكت قۇزىرەتتىلىگىندە ساباق بارىسىندا شەبەر كورسەتە ءبىلۋ كەرەكتىگىن ودان ءارى باسقا دا تاپسىرمالار ورىنداۋمەن كەلگەن ارىپتەستەردىڭ ءبىلىمىن تولىقتىرىپ، اقپارات بەرە الدى.
سەميناردىڭ قورىتىندى بولىمىندە “كەرى بايلانىس كەمەلدەندىرەدى” تاقىرىپتا ديرەكتوردىڭ وقۋ – ءىسى جونىندەگى ورىنباسارى سمايلوۆا ءسابيرا ءابدۋمۇتالى قىزى ءسوز الىپ: «مەكتەپ مۇعالىمدەرى ۇنەمى ىزدەنىس ۇستىندە، تەك بۇل عانا سەمينارلارمەن شەكتەلىپ قالماي ودان ءارى شىڭدالىپ جاتىر، ءار وقۋ جىلىندا مەكتەپ باسشىسىنىڭ بەكىتۋىمەن ءار ءتۇرلى جوسپارلاردى ىسكە اسىرىپ وتىرمىز. اتاپ ايتساق، ىقشام ساباقتار، كىرىكتىرىلگەن ساباقتار، Action research، سونىمەن قاتار بيىلعى جىلى Lesson study جۇرگىزىلىپ، وقۋشىلاردىڭ ءبىلىم ساپاسىن كوتەرۋگە مۇمكىندىكتەر ارتىپ وتىر» دەپ، كەلگەن قوناقتاردى سەميناردان العان اسەرلەرىمەن بولىسە وتىرىپ، كەرى بايلانىس جايلى اقپارات بەردى.
مەكتەپ ديرەكتورى تۇرسىن تاناتوۆ سەمينار اي سايىن جوسپار بويىنشا جالعاسىن تاۋىپ وتىراتىندىعىن جانە ءبىلىم ورداسىنداعى باسقا دا ءبىلىم بەرۋشىلەر وزدەرىنىڭ ءتۇرلى ساباق ءوتۋ تاسىلدەرى مەن شەبەرلىكتەرىمەن بولىسەتىنىن جانە وقۋشىنىڭ ساباققا دەگەن قىزىعۋشىلىعىن ارتتىرىپ، ودان ءارى ىنتالانۋىنا جول كورسەتەتىن ءار قيلى جۇمىستارمەن تاجىريبە الماساتىنىن ايتىپ ءوتتى.
كەلگەن قوناقتار سەميناردان العان تاماشا اسەرلەرىمەن ءبولىسىپ، ءوز ريزاشىلىقتارىن ءبىلدىردى. بۇل سەمينار اۋدان كولەمى بويىنشا كەلگەن ارىپتەستەردىڭ كوزقاراستارىنان، جاقسى پىكىرلەرىنەن جوعارى دەڭگەيدە وتكەندىگىن بايقاتادى.