فك «اقتوبە» جاسوسپىرىمدەر كومانداسىنىڭ 15 جاستاعى قورعاۋشىسى ارون مۇسا قايتىس بولدى، دەپ حابارلايدى Aqshamnews.kz كلۋبتىڭ باسپا ءسوز قىزمەتىنە سىلتەمە جاساپ.
"كەشە، QJ league تۋرنيرىندە وينايتىن “اقتوبە U-16” كومانداسىنىڭ ويىنشىسى، 15-جاستاعى فۋتبولشى ارون مۇسا ومىردەن وزدى. اروننىڭ وتباسىندا ۇلكەن قايعى ورىن الدى. ارون باۋىرىمىزبەن بىرگە اجەسى جانە نەمەرە اعاسى دا كوز جۇمدى. مۇسا اۋلەتىنە، تۋعان تۋىستارىنا قايعىرا كوڭىل ايتامىز"، - دەلىنگەن كلۋب حابارلاماسىندا.
ارون مەن ونىڭ تۋىستارىنىڭ ءولىمىنىڭ سەبەپتەرى ناقتىلانعان جوق. رەسمي راستالماعان مالىمەت بويىنشا، وتباسى كومىرقىشقىل گازىنان ۋلانىپ، قازا تاپقان بولۋى مۇمكىن.
مۇسا 2010 جىلعى 18 ساۋىردە دۇنيەگە كەلگەن. "اقتوبە" U-16 ساپىنداعى دەبيۋتى 2 تامىزدا ءوتتى. كەيىنگى ءماچىن 4 قازاندا وتكىزگەن. بيىلعى ماۋسىمدا ارون مۇسا "اقتوبەنىڭ" جاسوسپىرىمدەر قۇراماسىندا جالپى التى ويىنعا قاتىستى.
ايتا كەتەيىك، بۇل كەيىنگى ءبىر اي ىشىندەگى قازاقستاندىق فۋتبولداعى ەكىنشى قايعىلى جاعداي. 23 قىركۇيەكتە ەلوردالىق "جەڭىس" كلۋبىنىڭ 19 جاستاعى فۋتبولشىسى ۆيكتوريا قايسارينوۆا پاۆلودار – استانا تاسجولىندا بولعان جول-كولىك وقيعاسىنان قازا تاپقان ەدى.