تىزىمدە "ترەدس" بار ما؟ قازاقستاندىق جاستار ەڭ ءجيى قولداناتىن جەلى بەلگىلى بولدى

قازاقستانداعى جاستار اراسىندا ەڭ تانىمال الەۋمەتتىك جەلى بەلگىلى بولدى. ساۋالناماعا قاتىسقانداردىڭ 66،2 پايىزى ولاردى تۇراقتى قولداناتىنىن مويىنداعان، دەپ حابارلايدى Aqshamnews.kz Energyprom.kz مونيتورينگتىك اگەنتتىك دەرەگىنە سىلتەمە جاساپ.

پلاتفورمالار اراسىندا كوشباسشى - WhatsApp: رەسپوندەنتتەردىڭ 89،4 پايىزى اتالمىش جەلىنى بەلسەندى پايدالانادى. ەكىنشى ورىندا - Instagram (79،8%)، ءۇشىنشى - TikTok (63،9%). سيرەك تاڭدالاتىندارى - Telegram (24،6%)، Facebook (9،1%) جانە "ۆكونتاكتە" (4،7%).

قازاقستاندىق جاستار جەلىدەن كوبىنە اقپاراتتىق كونتەنتتى (69،2%) جانە ويىن-ساۋىق ۆيدەولارىن (60،6%) كورەدى. 14–18 جاستاعىلار روليكتەر مەن مەمدەرگە كوبىرەك قىزىقسا، 19–23 جاستاعىلار جاڭالىقتاردى جيىرەك تاڭدايدى، ال 28 جاسقا دەيىنگى اعا بۋىن جارنامالىق جانە تارتۋشى كونتەنتكە بەيىم.

DataReportal دەرەگى بويىنشا، 2025 جىلدىڭ باسىندا قازاقستاندا ينتەرنەت قولدانۋشىلارىنىڭ سانى 19،2 ملن ادامعا جەتىپ، حالىقتىڭ جالپى سانىنىڭ 92،9 پايىزىنا تەڭ بولدى.

سونىمەن قاتار، وسى جىلدىڭ قاڭتارىندا ەلدە الەۋمەتتىك جەلىلەردىڭ 15،7 ملن قولدانۋشىسى تىركەلدى (حالىقتىڭ 75،7%). قر-داعى الەۋمەتتىك جەلى قولدانۋشىلارىنىڭ جالپى سانى 2024 جىلدىڭ باسىنان 2025 جىلدىڭ باسىنا دەيىن 11،2 پايىزعا (نەمەسە 1،6 ملن ادامعا) وسكەن.