مەملەكەت باسشىسىنىڭ وكىمىمەن اقان اقاس ۇلى راحمەتۋللين قازاقستان رەسپۋبليكاسىنىڭ سىرتقى ىستەر ءمينيسترىنىڭ ءبىرىنشى ورىنباسارى لاۋازىمىنان بوساتىلدى، دەپ حابارلايدى Aqshamnews.kz اقوردانىڭ حابارلاماسىنا سىلتەمە جاساپ.
"مەملەكەت باسشىسىنىڭ وكىمىمەن اقان اقاس ۇلى راحمەتۋللين قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى لاۋازىمىنان بوساتىلدى"، - دەلىنگەن حابارلامادا.
ەسكە سالايىق، اقان راحمەتۋللين 2024 جىلدىڭ مامىرىندا ءسىم باسشىسىنىڭ ءبىرىنشى ورىنباسارى بولىپ تاعايىندالعان ەدى.
پرەزيدەنتتىڭ باسقا وكىمىمەن ەرجان اشىقبايەۆ سىرتقى ىستەر ءمينيسترىنىڭ ءبىرىنشى ورىنباسارى بولىپ تاعايىندالدى.
ەرجان اشىقبايەۆ 1974 جىلعى 16 ماۋسىمدا الماتى قالاسىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن، كەننەدي اتىنداعى مەملەكەتتىك باسقارۋ مەكتەبىن جانە گارۆارد ۋنيۆەرسيتەتىن ءتامامداعان. حالىقارالىق قاتىناستار سالاسىنىڭ مامانى، مەملەكەتتىك باسقارۋ ماگيسترى.
ديپلوماتيالىق قىزمەتىن 1998 جىلى ءتورتىنشى دەپارتامەنتتىڭ ازيا، تاياۋ شىعىس جانە افريكا باسقارماسىنىڭ رەفەرەنتى رەتىندە باستاعان. سىرتقى ىستەر مينيسترلىگىنىڭ ورتالىق اپپاراتىندا ءارتۇرلى لاۋازىمداردا قىزمەت اتقاردى، سونداي-اق قازاقستاننىڭ بەلگياداعى ەلشىلىگىندە ءىسساپاردا بولدى.
2012 جىلى پرەمەر-مينيستر كەڭسەسى باسشىسىنىڭ ورىنباسارى، ۇكىمەتتىڭ رەسمي وكىلى قىزمەتتەرىن اتقاردى.