الماتى قالاسىندا «سپورت كوميتەتى – ارميا ورتالىق سپورت كلۋبى» كەشەنىندە «وڭتۇستىك» وڭىرلىك قولباسشىلىعىنا قاراستى اسكەري بولىمدەردىڭ اسكەري قىزمەتشىلەرى اراسىندا قازاق كۇرەسىنەن چەمپيونات ءوتتى.
جارىستىڭ شىمىلدىعىن اشقان ق ر ۇلتتىق ۇلانى «وڭتۇستىك» وڭىرلىك قولباسشىلىعى قولباسشىسىنىڭ ورىنباسارى پولكوۆنيك كونستانتين كۋاتوۆ، ق ر قورعانىس مينيسترلىگى سپورت كوميتەتى – ارميا ورتالىق سپورت كلۋبى وقۋ-جاتتىعۋ ورتالىعىنىڭ باستىعى مايور بەردەن اقپانبەكوۆ سپورتشىلارعا ساتتىلىك تىلەدى.
بىرىنشىلىككە الماتى، قىزىلوردا، شىمكەنت، تاراز جانە تالدىقورعاننان كەلگەن 9 كوماندادان 63 بالۋان قاتىسىپ، ءۇش كۇن بويى بوزكىلەمنىڭ شاڭىن قاقتى.
قۇقىقتىق ءتارتىپ اسكەرىندە العاش رەت ۇيىمداستىرىلىپ وتىرعان بۇل جارىستا سپورتشىلار 7 سالماق دارەجەسى بويىنشا ب ا ق سىناستى. قازاق كۇرەسىنەن اسكەري بولىمدەردە وتكىزىلگەن بىرىنشىلىككە جەڭىسكە جەتكەن تاجىريبەلى بالۋاندار جىبەرىلگەندىكتەن، جارىس وتە تارتىستى ءوتتى. اسىرەسە، فينالعا وتكەن بوزكىلەم شەبەرلەرى جارىس كوركىن قىزدىرا ءتۇستى. وسىلايشا، جارىس جولىندا قارسىلاسىن قاپى قالدىرىپ، ايلاسىن اسىرعان جەڭىمپازدار مەن جۇلدەگەرلەر بەلگىلى بولدى.
سايىس قورىتىندىسىندا جالپى كوماندالىق ءبىرىنشى ورىندى 6506 اسكەري ءبولىمىنىڭ (شىمكەنت قالاسى) كومانداسى يەلەنسە، ەكىنشى ورىندى 5513 اسكەري ءبولىمىنىڭ (تاراز قالاسى) كومانداسى قانجىعاسىنا بايلادى، ال ءۇشىنشى ورىندى 3650 اسكەري ءبولىمىنىڭ بالۋاندارى (الماتى قالاسى) قاناعات تۇتتى.
جەكە كورسەتكىشتەر مەن كوماندالىق ەسەپتە توپ جارعاندار قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىنىڭ قولباسشىسى گەنەرال-مايور تالاپكەر امىرەيەۆتىڭ اتىنان كۋبوك، مەدال جانە باعالى سىيلىقتارمەن ماراپاتتالدى.
ايتا كەتەيىك، جارىس جەڭىمپازدارى ۇلتتىق ۇلاننىڭ الداعى ۋاقىتتا ناۋرىز ايىندا قازاقشا كۇرەستەن سەمەي قالاسىندا وتەتىن چەمپيوناتىنا قاتىسىپ، وڭتۇستىكتىڭ نامىسىن قورعايتىن بولادى.