ەلوردادا قوعامدىق ءتارتىپتى بۇزۋشىلاردى، باسقالاردىڭ مۇلكىنە قول سۇعاتىن جانە ادامدار كوپ جينالاتىن جەرلەردە ءتارتىپ بۇزاتىن ۆاندالداردى انىقتاۋ جانە جازالاۋ جالعاسىپ جاتىر، دەپ حابارلايدى اlmaty-akshamy.kz استانا اكىمدىگىنە سىلتەمە جاساپ.
سونىمەن، اقپان ايىنىڭ باسىندا تۇسكى اس كەزىندە 42 جاستاعى ەر ادام ماس كۇيىندە كراۆسوۆ كوشەسىندەگى دۇكەندەردىڭ بىرىنە كىرىپ، ساتۋشىمەن جانجال شىعارعان. جانجال كەزىندە ول دۇكەننىڭ مۇلكىنە زيان كەلتىردى. سوتتىڭ شەشىمىمەن ول 7 كۇنگە قاماۋعا الىندى.
تاعى بىردە ەلوردانىڭ 25 جاستاعى تۇرعىنى ماڭگىلىك ەل داڭعىلىنداعى قوعامدىق ورىندا دارەتكە وتىرعان. وعان ايىپپۇل سالىندى.
كەشكى ۋاقىتتا الاش تاس جولىنداعى قالالىق ءدامحانالاردىڭ ءبىرىنىڭ جانىندا 29 جاستاعى ماس ادام قىزمەتتىك كولىكتىڭ الدىڭعى ايناسىن سىندىردى. ول 15 كۇنگە قاماۋعا الىنادى.
ەستەرىڭىزگە سالا كەتەيىك، استانادا ەرىكتىلەر، بەلسەندىلەر، تانىمال سپورتشىلار، پىكىر كوشباسشىلارى، قالا تۇرعىندارى قولداعان «توقتا، ۆاندال» اكسياسى جالعاسىپ جاتىر.
اكسيا اياسىندا قالادا كۇندىزگى جانە تۇنگى رەيدتەر وتكىزىلەدى، حالىق اراسىندا قوعامدىق ءتارتىپتى ساقتاۋ قاجەتتىلىگى تۋرالى ءتۇسىندىرۋ جۇمىستارى جۇرگىزىلەدى.