ق ر ءىىم ۇلتتىق ۇلاننىڭ «وڭتۇستىك» وڭىرلىك قولباسشىلىعىنا قاراستى 3650 اسكەري ءبولىمى الماتى قالاسى ورتالىقتاڭدىرىلعان كىتاپحانالار جۇيەسىمەن بىرلەسىپ ۇلى اعارتۋشى، قازاق ءالىپبيىنىڭ نەگىزىن قالاۋشى احمەت بايتۇرسىن ۇلىنىڭ قۇرمەتىنە ارنالعان «ۇلتىن ۇلىقتاعان ۇلى تۇلعا» اتتى تانىمدىق ساعات وتكىزدى.
اتالعان ءىس-شارا احمەت بايتۇرسىن ۇلىنىڭ 152 جىلدىعىنا وراي ۇيىمداستىرىلعان «تىلگە قۇرمەت – ەلگە قۇرمەت!» اكسياسى اياسىندا ۇيىمداستىرىلدى.
№ 26 كىتاپحانا بولىمشەسىنىڭ كىتاپحاناشىسى سۆەتلانا ۆلاديميروۆنا ساربازدارعا اقىننىڭ ءومىرى مەن شىعارماشىلىعى، عىلىمي ەڭبەكتەرى جايىندا مالىمەت بەردى. ال قاتارداعى جاۋىنگەرلەر ت.قالمۇحانبەت، ى.قاسىمجان، د.اۋەلحان اقىننىڭ ولەڭدەرىنەن ۇزىندىلەر وقىپ، قاناتتى سوزدەرىن ايتتى. سونىمەن قاتار اكسيا اياسىندا ساربازدار احمەت بايتۇرسىن ۇلىنىڭ مۋزەي-ۇيىنە بارىپ ءدارىس تىڭدادى. ساربازدار الدىمەن احمەت بايتۇرسىن ۇلىنىڭ ساياباعىنا سوعىپ، عالىمنىڭ ەڭسەلى ەسكەرتكىشىنە تاعزىم ەتتى.
مۋزەي-ۇيدىڭ ءبولىم مەڭگەرۋشىسى ادىلەت احمەت ۇلى مەن ماناتجان اشيروۆ ساربازدارعا تاريحي تۇلعانىڭ جادىگەرلەرىن تانىستىردى. ءوز كەزەگىندە جاس ساربازدار رۋحاني مول ازىق الدى.